鄧紫棋訴心聲眼淚灌溉啟德　出賣反目經理人「真身」關係畫句號

「宇宙巨肺」鄧紫棋（G.E.M.）《I AM GLORIA》2025世界巡迴演唱會香港站5場演唱會昨晚（15日）頭場在啟德主場館揭幕，G.E.M.站在8米高的巨型機械獅子出場，連唱3首歌曲《摩天動物園》、《灰狼》和《來自天堂的魔鬼》後，興奮地打招呼：「大家好，我係G.E.M.，開場前數數時間，對上一次香港開騷是8年前紅館騷，是一個特別日子，嗰時9月17係妹妹生日，好搞笑，今晚係我33歲人生最後的演唱會，因為今晚之後（8月16日生日）我就34歲。」問現場有沒有觀眾8年前來看紅館騷，沒有想過今次5場啟德騷，舉行了共20萬人演唱會，興奮得大嗌「Wow，我夢想成真喇！」她發現場館都是紫色，跟自己很是有緣。

G.E.M.的《I AM GLORIA》演唱會有個傳統，每場她都會在台上舉杯祝酒，今次就拿出保暖杯對着4萬多觀眾舉杯Cheers。笑問：「你哋細個時有冇試過唔敢同人講鍾意聽G.E.M.的歌？」感慨表示：「世界發生好多事，會驚會心痛，好想鼓勵大家，雖然生於亂世，我哋都可以繼續相愛。」然後唱出《光年之外》。

唱罷《孤獨》後，G.E.M.表示今次是第110場唱此歌，一路表演有好多回憶浮現，想起16歲時的自己，她說：「16歲嘅G.E.M.唔係咁，成日扮金魚，以前同我扮金魚的朋友，依家已經返工和生仔，心諗初出道的G.E.M.點會有Fans？啲人唔敢大聲講鍾意聽G.E.M.的歌，因為可能畀人笑。」以前臨出場在後台會擔心出場被人噓，今次再唱《孤獨》找到人生意義。邊說邊淚流披臉：「搵到點解企喺台唱歌，唔係為咗人地的掌聲，依家諗番我係點出道，點解我出道時，同我差唔多大的小朋友，會一路等我喺停車同我傾偈，點解大家要喺商場睇我唱歌，唔係為咗要拍手，要令我受歡迎啲，上天畀呢個機會我，係當我克服一啲好難過的關口時⋯」她硬咽地說：「曾經有一日流過的眼淚就可以去灌溉別人，希望今日喺台上唔再覺得孤獨，唔再覺得傷心，再重新演繹呢啲歌曲，去分享呢啲故事時，台下的你如果感到孤獨，其實G.E.M.都有過呢啲時候，你哋唔孤單，如果覺孤單只係假像，你可以聽G.E.M.的歌，我喺遠方同你感同身受。」G.E.M.強忍淚水，表示不想再喊，笑言因為要吸住鼻涕會好辛苦。

之後G.E.M.登上紫色寶石由吊臂將她升到半空，由台前伸展到台後，親近觀眾，唱到《你把我灌醉》時更飆高音。G.E.M.與前經理人公司2019年爆解約，與經理人張丹反面，官司糾纏長達6年，近日G.E.M.自爆因為官司，已超過6年沒收到自己舊歌的版稅，昨晚她唱出《句號》時，屏幕打出多張與張丹的合照，憑歌唱出關係去到「句號」。

演唱會上她大談人生道理，雖然人生好艱難，但好多恩典，可以睜大眼看到藍天已好感恩，她說：「希望同我一齊唔止唱歌，希望帶來平安感恩的心，演唱會感受到動力。希她帶給你不止音樂，將光反射畀你哋，唔好處於黑暗，感受到光。」

G.E.M.透露今次香港站演唱會工程浩大，透露出場的機械獅子是全新的，之前的獅子已經退休。所有VCR重新錄製廣東話版：「啲人話無可能重新錄過，係會㗎！」笑指VCR不可有懶音，已盡了力錄好。

她發現台下有人舉牌要求「金魚嘴飛吻」，終徇眾要求嘟出金魚嘴賣萌，她說：「咁難得返香港，就做金魚嘴啦！」並連環以金魚嘴派飛吻，全場觀眾大笑，她希望大家不要逼自己長大，想喊就喊，之後玩Kiss Cam，炒熱全場氣氛。

Encore環節，演唱18歲時在Star Hall唱過的《李香蘭》「19歲上紅館，好奇妙，做咗5場紅館騷，今次在啟德又係5場，對我來講好不可思議。希望大家帶住能量離開，我都帶住好多能量離開。」

東網網站 : https://on.cc/東網Facebook專頁 : https://www.facebook.com/onccnews/