「40億千金」蔡頌思化身美人魚　師傅張達明讚叻女

「40億千金」蔡頌思(Jocelyn)3年前創立的香港水下表演藝術協會，今日啟動亞洲首座海港水下劇場，Jocelyn化身美人魚落水表演，不少好友出席支持，包括「口罩小姐」亞軍徐蒨寧、藝人練樂儀、雷莊兒、陳蕊蕊和唐貝詩等。

Jocelyn的演藝師傅張達明都有出席，指師傅永無托手踭，達明曾患鼻咽癌，副作用令他有點口齒不清及行路需要拐杖輔助。達明表示第一次睇Jocelyn的水底演出，大讚她叻女：「水底表演比以前多變化，係一種全新嘅演出。」Jocelyn指場地免費開放，希望帶動水下表演之餘，也想帶動觀塘區人流，將來想舉行巡演到世界各地演出。

達明表示現在身體狀況時好時壞，天氣不佳也會影響，早前黑雨身體便較差，今日狀態不錯便出外，「身體好最緊要強心，心態好身體便好，係由心開始，要食好及多飲水。（跟周潤發跑步強身？）我眼睛唔好，跟住佢哋行，佢哋就衝，主要原因係為咗食早餐。」近日藝人柯煒林確診肺腺癌四期，達明亦有所聞：「知道呢位演員，33歲，我好心痛，佢又唔食煙有肺腺癌四期，希望大家支持佢，佢啲粉絲都會支持佢。」他分享養生貼士，晚上10前睡覺，飲食健康，多外出呼吸新鮮空氣及不要夜跑。

練樂儀也是香港美人魚代表之一，笑言今日不下水，要保持靚樣做陸上美人魚，練樂儀參加過多個選美，透露又將出賽國際潛水小姐選舉，「Jocely去年都參加過，自己都想邁向國際舞台參加不同選美。」笑言希選美選到90歲。

徐蒨寧也是選美常客，但表示應該不會再參加，笑言選美花精神好疲倦，自言年紀也不輕。提到近日趁無綫戀綜《女祌配對計劃》搞了一個《女神締造計劃》，為5位女神形象大翻身，對為求愛勇者大翻身的主意也不錯，可以考慮一下，又講笑老公首先要執一執外形。

早前姜濤發生墮海事件後，徐蒨寧在社交平台發文轟MIRROR團隊管理方式奇怪，她表示出Po時也緊張到一額汗：「嗰時做緊運動，又有啲心痛姜濤，一時衝動留言，（怕得罪MIRROR團隊？）唔驚，要得罪都得罪咗，但好得意，團隊應該唔小氣，因為之後我有入去做化妝工作，（再之後有冇工作先？）唔知啦！」

東網網站 : https://on.cc/東網Facebook專頁 : https://www.facebook.com/onccnews/