關智斌時隔6年開騷　重提當年遭張致恒「一腳踏5船」連累

藝人關智斌（Kenny）接受新城廣播葉文輝（啤梨）主持的《梨事會》和黎莉主持的《勁爆樂勢力》錄音訪問，宣傳新歌《永遠的彼得潘》及9月舉行的演唱會；事隔6年再開騷，他重提2019年被張致恒「一腳踏5船」連累，BOYZ演唱會險被擱置，他主動重提演唱會：「當年係有少少意外發生，有好多波折，原來我係適合危難中成長，要咁樣先得，不過嗰次亦都好好彩，無論幕前朋友或幕後好多人幫我，我只專注做自己演出一part，好多嘢已經去唔到我嗰到，最後做咗一個回響唔錯嘅演唱會。」

完成個人演唱會後，Kenny在腦海中不停籌劃一個全新舞台，他透露：「今次呢個騷喺心入面已經醞釀咗兩、三年，成個流程好快構思出嚟，到時會呈現一個冒險島舞台，脫離現實氛圍，同觀眾感受一個長不大嘅晚上。（觀眾好想睇你除衫？）呢個係標準配置，到時會大方啲。」Kenny又大賣關子：「有啲大家喺之前演唱會冇見過，我都好期待演出入面畀驚喜大家。」

另外，Kenny亦接受《勁爆樂勢力》主持黎莉訪問，問到為何相隔4年才推出新歌？他直言性格隨心，當刻想到要做便立刻行動：「例如上年突然想學日文，前年學滑雪，有人話我呢個年紀唔好滑雪，蹬親好大鑊，但我貪新鮮，又有冒險精神，幾Peter Pan。」

Kenny形容彼得潘（小飛俠Peter Pan）嚮往自由自在，可以隨心隨地做自己喜歡的事，他亦慶幸父母在他的小時候，給予他足夠的自由，他說：「我小學六年班已經周圍去，放學後要去接妹妹放學，之後買飯盒兩個人食；中學零用錢唔夠就幫人補習，又可以買遊戲機，父母畀咗我呢個空間，令我學識點同人相處。」

不過Kenny坦言人大了很難找到自在的感覺，所以他會給自己安排Me Time，讓自己可以減壓：「我幾鍾意一個人做運動、跑吓山，另外，比較靜嘅Me Time係坐喺梳化睇電影，個腦唔使諗嘢，電話較靜音，有時會睇番啲舊片，好鍾意睇喪屍片，Brad Pitt嘅《World War Z》，我睇咗十幾次。」

提到新歌《永遠的彼得潘》首次跟監製陳巧威合作，Kenny笑稱對方發掘出充滿「仙氣」的關智斌，他說：「佢搵到我一把幾出塵嘅聲音，唔係特登放輕把聲就會唱到呢個感覺，佢將我嘅仙氣帶咗出嚟。」

東網網站 : https://on.cc/東網Facebook專頁 : https://www.facebook.com/onccnews/