袁彩雲樂做全職媽媽 12歲女兒踏入青春期 親子溝通面臨挑戰

前港姐季軍袁彩雲（Fiona）日前接受新城廣播《可『連』天下父母心》主持陳心怡（阿貓）及Christine（汀汀）的訪問，與主持們大談小孩教養。育有12歲女兒的Fiona透露，女兒踏入青春期後性格轉變，親子溝通面臨挑戰，而她重視語言教育，堅持讓女兒學習廣東話及中文，以傳承文化及提升競爭力。

Fiona在節目中提到，女兒近期變得不再像從前乖巧，認為女兒已進入青春期，她說：「佢會駁嘴同有自己意見，感覺佢變咗，但都好嘅，呢個係成長階段，要接受同理解佢需要。」出生於德國、精通多國語言的Fiona，強調語言的重要性，除了英語和法文外，她堅持讓女兒學習廣東話和中文，她經常帶女兒返港與朋友聚會，創造語言環境，同時鼓勵她主動與外人交流，以訓練表達能力。

談及教養方式，Fiona直言會在「虎媽與放養」之間取得平衡，但更多的是「夾雜型媽媽」，不能太過放任女兒，同時又重視其學業和品德，Fiona表示：「𠵱家小朋友好鍾意攞住部電話，網上有好多資訊，佢哋都知踏入青春期，會有啲咩唔同，但未清楚心理上有咩變化，會再同佢傾深入傾吓。」

Fiona現居加拿大做全職媽媽，她認為見證孩子每個成長階段，是無可替代的滿足感，Fiona表示：「我幾享受花時間陪佢，係車出車入會悶啲，但由佢細細個對你笑，不斷成長變化，冇錯過任何一個時間，呢個係人生嘅滿足感；反正我去到加拿大冇乜嘢可以做，寧願全職投入照顧小朋友。」

Fiona又笑指有件事很多家長都甩不到，就是不停「哦」小朋友，她表示：「佢哋最憎，我哋細個都唔想父母『哦』你，反而想做咗件事先，因為唔想媽咪『哦』，但我個女呢個年紀就寧願唔做，我有時會忟憎。」

（即時娛樂）