杜德偉幾經波折再踏紅館　跟風玩Kiss Cam叫歌迷醒定啲

杜德偉再踏紅館舞台慶祝入行40年，揚言可能是該場館最長的個唱，有意齊集男神梁朝偉、林志穎及天后林憶蓮、葉蒨文打造集體回憶，不過最好玩則是Coldplay個唱一樣的「Kiss Cam」環節，為免再爆「偷情事件」，他溫馨提示觀眾要「謹慎行事」。

杜德偉（Alex）一別紅館10年，現鐵定於10月18至19日舉行兩場演唱會。日前接受專訪時，被問到幾番力爭才獲紅館檔期，他說：「只開兩場絕不加場，因為只畀到2日檔期，雖然係非常少，但我好順應天意，同埋我真係想喺屋企呢個地方，唔使啲香港粉絲咁辛苦，飛好耐嚟同我慶祝40周年。」又說之前申請紅館檔遭阻滯，曾獲批但又被取消，雖然考慮過其他場地，但心繫被視為香港歌手的夢想舞台，所以決定一等再等。問下個目標是否啟德主場館？他謙說：「我都試過類似嘅場，不過室內場就舒服啲，同埋唔想個場太大，想同歌迷close啲。」

Alex的個唱其中一個賣點是類似英國樂隊Coldplay演唱會中的「Kiss Cam」環節，以配合其經典情歌《嫁給我》，他說：「見到自己喺個Cam出現時就要深情表達，鼓勵大家將愛昇華到忘我境界，做啲好大愛嘅嘢。」可擔心重演「CEO偷情事件」？他聞言：「唉，呢啲就唔應該，大家謹慎出席，哈哈哈哈，無謂啦，開開心心咪好囉，自己收埋啲啦。」而個唱另一賣點是「夠長」，他則指意思是長情：「濃縮咗40年嘅經典歌單，（跳唱逾3小時？）咁就要睇觀眾反應，可能會唱到主辦搵條繩綁我落台。」

而嘉賓方面，他透露以「有意思的神秘嘉賓」為出發點，譬如曾合唱過的葉蒨文、蘇慧倫、好友林志穎等，亦一定請梁朝偉出席其「派對」，問會邀偉仔開金口？他就覺得有難度：「唱就未必可，因為佢好怕醜。」雖然跳唱了40年，但他揚言太愛演藝工作，故永不言休，現仍上聲樂堂，更叮囑後輩要勤練歌，將技巧放在首位，演藝路就可走得更遠。

東網網站 : https://on.cc/東網Facebook專頁 : https://www.facebook.com/onccnews/