《笨蕉大劇院》首演柯煒林現身謝幕　感動流淚：我會再喺度表演

舞台劇《笨蕉大劇院》昨晚(8日)在灣仔演藝學院首演，可惜原訂參演的柯煒林(Will)因患上肺腺癌，早前已表示不會演足全部場次，而昨日公演前亦正式宣佈易角，由余家溢頂上。不過雖然未有參演，在謝幕時柯煒林亦有現身，而且精神飽滿，更加笑容滿面，讓粉絲放心。

軟硬非官方民間組織Softhard Project25在社交平台上載的影片中看到，首演謝幕時，主角之一的林海峰(Jan)在台上說：「呢個舞台劇籌備咗12個月，團隊擔心劇本好唔好、演得好唔好、配合得好唔好，突然間發覺原來都唔重要，最重要係身體好。」之後Will便出場向觀眾鞠躬說：「多謝你哋一直關心同鼓勵，唔好意思，我呢個衰仔令大家擔心。」台下有觀眾叫「加油」，Will則笑著回應：「呢個冇睇我啲post！」因為他早前曾在社交平台叫大家不用跟他說加油，見到他只需要說：「Ush，我愛你。」之後觀眾們亦同聲說一次。
Will亦叫大家放心：「放心，我冇事……我會再喺度表演畀大家睇。」表示會盡力康復。而最後他亦被台下觀呼及掌聲感動落淚。