鄧麗欣帶頭跳女團舞　林峯「表櫈」回敬

藝人林峯、鄧麗欣（Stephy)和張繼聰到九龍塘為8月尾聯乘舉行的拉闊音樂會舉行記招。阿聰笑言接獲與他們一起演出，在家感動流淚了5分鐘，因對上一次為拉闊演出已經很久；Stephy笑言是心裏流淚，因是第一次做拉闊；林峯則指未與阿聰合作過唱歌，與Stephy則未合作過拍戲，今次是集合完成所有願望。

席間3人接受挑戰重現對方演唱會的經典動作，3人先模仿阿聰彈結他，齊齊chok爆。接住又齊跳Stephy的《心急人上》女團舞蹈，嬌俏可愛。最後則由林峯向兩人傳授其性感椅子舞技，令現場嘩聲四起。

林峯被問到是否會在拉闊再跳櫈子舞？他賣關子表示可以考慮，但覺得也可以有其他新嘗試，好似跳女團舞蹈要跳出韻味也是大挑戰。阿聰笑言自己跳舞唔叻，但也不會理會大家感受。Stephy則自爆在家也練習過跳櫈子舞，但未能成功。問到林峯跳櫈子舞是否講求腰力？他說：「其實唔係太難，唔係要腰力，係要臂力，同埋張櫈要穩陣。」Stephy被問到最近是否與男友到荷蘭旅遊？她指是一半工作、一半旅行，坦言男友也有同行。問到是否預支蜜月？她笑說：「唔係，係嘅話都去啲浪漫啲嘅地方，好似北歐，凍凍哋先浪漫。」

對於粉絲投訴她社交網甫相遲大到？她說：「我係Latergram，尤其係放假，電話都唔想攞起，尋日同歌迷聚會，都同佢哋講唔好意思，自己都係一個唔係咁鍾意po嘢嘅人。」

林峯被問到暑假是否要帶女兒去旅行？他說：「有小朋友暑假都要陪屋企人，以前就唔使同人迫，依家就要暑假捱貴飛、貴酒店。」他指隨後要為世界巡迴演唱會演出，並向阿聰查詢物理治療醫生，透露演唱會時跳舞「chok親」，更即席邀請兩人擔任嘉賓，他們也立即應承。

Stephy講到舊愛方力申早前宣布結婚後，最近公布喜訊做爸爸，她表示：「戥佢開心、高興祝福佢。」講到何時輪到她結婚生仔？Stephy則笑說：「唔急，慢慢嚟。」又笑言趁未有小朋友，不用捱貴機票、酒店，可以隨時去北歐旅行。

東網網站 : https://on.cc/東網Facebook專頁 : https://www.facebook.com/onccnews/