盤點汪明荃異國造型 被阿姐爆勁多腳毛 阮浩棕怕醜語塞

無綫全新綜藝節目《帶阿姐看世界》轉眼來到第3站的拍攝工作，這次負責帶汪明荃（阿姐）看世界的重任，落在阮浩棕身上，他帶阿姐到風光明媚的摩洛哥大開眼界！

觀乎阿姐連日來在Ig的開心Sharing，以及大會發布官方照片，阿姐在摩洛哥的行程豐富，2人先後到訪舍夫沙萬的藍色城市、摩洛哥第二大城市非斯、撒哈拉沙漠等地方，體驗在沙漠中騎駱駝、食早餐看日出，以及穿民族服飾在色彩繽紛的屋宇前打卡留念等，畫面亮麗。

根據資料，摩洛哥近日氣溫持續在30多度，加上烈日當空，阿姐除長期戴墨鏡防曬，兼拿住風扇仔降溫，做足準備。每次均悉心打扮看世界的阿姐，繼續大騷靚衫，獲網民大讚完美駕馭所有造型。

在旅程中少女心大爆發的阿姐盡顯熱情本色，除了與幕後工作人員打成一片，包括細心為幕後女同事按摩，又與阮浩棕及當地導遊手牽手，阮浩棕拖著阿姐走上斜路背影照，構圖搶眼之餘亦極盡溫馨。

與周嘉洛及周奕瑋一樣，阮浩棕整個旅程對阿姐照顧周到，不但為阿姐充當攝影師，又主動為阿姐按摩！阿姐受訪時大讚阮浩棕勤力：「你關於摩洛哥嘅資料搜集咗好多，唔使即場去記啲資料，變相講出嚟會好自然。」

原來為了拍好這個節目，阮浩棕出發前做了大量摩洛哥的資料搜集，就連阿姐的資料也不放過，並笑言習慣將所有看過的資料抄下來方便記憶。阿姐笑言：「我啲資料咁多，你睇唔睇得晒㗎？我真係旨意晒你，我咩都冇睇過，我希望你畀驚喜我吖嘛。」

至於同樣愛放送驚喜的阿姐，訪問期間突然踢爆阮浩棕腳毛數量多得驚人：「佢啲腳毛好犀利，好Man咁，同佢個樣唔係幾襯。」之後再搞笑追問阮浩棕：「你胸毛有冇㗎？」令出名怕醜的阮浩棕一度語塞、不知所措。

阮浩棕受訪時則指與阿姐合作後，覺得自己「愈嚟愈鍾意阿姐」：「以前覺得阿姐好嚴肅（阿姐：我哋都冇相處過）我喺側邊睇住你，會好驚嘅，但阿姐好可愛，佢會同我哋講笑啦、同我哋玩啦，好真性情。」

（即時娛樂）