阮浩棕摩洛哥拍綜藝　體驗沙漠中騎駱駝

藝人汪明荃與阮浩棕為無綫全新綜藝節目《帶阿姐看世界》去到摩洛哥進行拍攝，兩人先後到訪了舍夫沙萬的藍色城市、摩洛哥第二大城市非斯、撒哈拉沙漠等標誌性地方，體驗了在沙漠中騎駱駝、食早餐睇日出，以及穿上民族服飾在色彩繽紛的屋宇前打咭留念。

阮浩棕整個旅程對汪明荃照顧周到，不但為對方充當攝影師，又主動為她按摩！汪明荃接受官方訪問時，當面大讚阮浩棕勤力：「佢關於摩洛哥嘅資料搜集咗好多，唔使即場去記啲資料，變相講出嚟會好自然。」原來阮浩棕出發前做了大量摩洛哥的資量搜集，就連汪明荃的資料，他也不放過，並笑言習慣將所有看過的資料抄下來方便記憶。汪明荃聞言笑言：「我啲資料咁多，你睇唔睇得晒架？嗱！我真係旨意晒你架，我咩都冇睇過，我希望你畀驚喜我吖嘛。」

而訪問期間突然踢爆阮浩棕腳毛數量多得驚人：「佢啲腳毛好犀利，好Man咁咯，同佢個樣唔係幾襯。」之後再搞笑追問阮浩棕：「你胸毛有冇架？」令出名怕醜的阮浩棕一度語塞、不知所措。阮浩棕指與對方合作後，覺得自己「愈嚟愈鍾意她」：「以前覺得佢好嚴肅，但其實佢好可愛，佢會同我哋講笑啦、同我哋玩啦，好真性情。」

東網網站 : https://on.cc/東網Facebook專頁 : https://www.facebook.com/onccnews/