曾樂彤孖未婚夫出席活動　被爆靜雞雞做1事惹心痛

歌手曾樂彤與音樂人未婚夫徐浩今日（16日）出席音樂會，曾樂彤自言是抱恙上陣：「前日發現喉嚨痛，半夜去咗睇急症，食咗西藥，但第二日開唔到聲，最後我中西合璧，睇埋中醫同做針灸開聲。」徐浩投訴對方當日瞞着他，靜悄悄去看急症，令他既心痛又擔心，又大讚未婚妻今日表演好，比自己更好，問到2人會否有機會合唱？徐浩坦言：「下次，我要吸取多啲經驗先，好耐冇上台唱歌，唔想拖累佢。」講到婚禮籌備情況，曾樂彤稱最近忙出新歌，婚禮交由對方負責，自己只需知道時間及地點，安排自己的婚紗及姊妹團，徐浩謂忙完演唱會就會集中火力搞婚禮，不過日子就保密，而今年3月已在求婚地巴黎影結婚相，問到姊妹團成員？曾樂彤稱其中一位是前組合Super Girls成員蔡明思，好友戴祖儀則另有職任，也會邀舊公司英皇娛樂的同事去飲喜酒，至於作為MIRROR御用監製的徐浩可會請MIRROR擔任兄弟團？他說：「唔會，佢哋好忙，唔好打攪佢哋，但會請佢哋嚟飲。」

東網網站 : https://on.cc/東網Facebook專頁 : https://www.facebook.com/onccnews/