VIVA挑戰DJ初體驗 緊張到手震：驚撳錯掣整壞機器

女團VIVA成員張鈊貽（ValC）、姜咏鑫（Ada）、李晞彤（Carina）、馬思惠（Macy）日前現身新城，亮相范振鋒（阿范）主持的《新手DJ大鳴聲》節目，初試擔任DJ感受，首次坐上主持人的控制台，4位表現又驚又好奇，初時大家都不敢觸摸控制台，驚按錯掣整壞機器，阿范馬上安撫各位並細心教導，他忍不住讚：「她們真的很聰明，一教就曉。」

阿范不愧是好「師傅」，為讓VIVA淡定及自信地嘗試邊Tag歌邊操控機器，先給她們戴上耳機，當她們戴上後，馬上由緊張變為充滿自信。ValC在節目中推薦5首別具意義的歌，包括Tyson Yoshi和張敬軒合唱的《By My Side》、林家謙的《四月物語》和陳蕾的《求救的勇氣》。

ValC表示：「《By My Side》係講緊小動物，我有養3隻貓，佢哋畀我嘅情緒價值同安慰都好大，每日返屋企見到佢哋，好期待返屋企感覺，一定要珍惜每日喺屋企等你嘅小動物。」提到陳蕾《求救的勇氣》，ValC透露看這首歌的MV時落淚：「呢首歌好講到我心底話，有時要同大家講I'm not ok係好難嘅，會覺得問題唔會被重視，而選擇沉默，但真正愛你嘅人，會願意去傾聽。」

ValC主持過程非常緊張，她搞笑說：「我好驚，手都震埋！好驚個腦空白唔知講咩，一個人對住支咪比上台表演仲有挑戰。」她又自爆：「我玩『包剪揼』輸咗，所以我係第一個，但玩『包剪揼』係我提議。」

（即時娛樂）