張家輝「爭的士」當街大打出手　本尊親揭真相

近日網傳張家輝「爭的士」，當街大打出手更出動「鉸剪腳」的片段，引起網民熱議。今日（15日）家輝現身尖沙咀出席活動，現場大批粉絲到場，家輝活動後即走近粉絲拍照及簽名。他透露當時只是拍廣告，自言絕不會同人爭的士，提到今次唱埋廣告歌，感覺很有創意，可覺得樂壇欠他一個交代？他笑言：「交乜代吖，口㾗唱，交畀古天樂再攞（叱咤我最喜愛的男歌手）」，自言只是貪玩。

早前他做演唱會嘉賓，專登找排舞師學跳舞，在屋企苦練到抽筋，笑稱手腳和頭不協調，又爆好友苗僑偉事後重溫他的跳舞片，原來此人正是，家輝笑指有日收到對方電話，大讚他表演精彩，「「三嫂」（戚美珍）話三哥逼她看了半小時，我係無預計個反應，無諗過做演唱會嘉賓都畀人叫Encore。」問他是否想開演唱會？他講笑若開騷就不會只開一場，自言貪玩希望搞新意思，也會繼續儲歌，會儲到80歲，笑說自細就有做跳唱歌手的畫面。

早前家輝和太太關詠荷捧場睇夏韶聲演唱會，關詠荷被網民讚保養得宜，家輝笑笑口說：「麻麻啦！OK啦！咁嘅歲數算標青，好難Keep，要Keep我多啲去襯番佢。（太太有冇諗過再拍戲？）佢出唔出來行要問番佢，佢唔大戲癮，要有好角色先Hit到佢。」

另外，家輝相隔19年再拍電視劇《芻狗之血》，與胡杏兒再合作，二人以前合作過電影《失戀急讓》，杏兒又做過他的MV女主角，他大讚杏兒比以前更成熟，也希望同更多新舊組合合作，今次吸引到他接劇，除了幕後班底是以前TVB合作過，該劇有以色列、美國和韓國版本，猶如國際賽，希望自己做好這個版本。

至於憑《女神配對計劃》而人氣急升的曾展望，被指是「張家輝2.0」，家輝直言不認識對方，但對《女神配對計劃》原來有留意，笑言：「我都好想拍，因為可以「哄」到女仔好埋。」看過曾展望照片後，讚對方比自己靚仔，也覺得有點撞樣。曾展望曾表示想做他的年輕版，家輝表示自己喜歡與任何歌手或演員合作，自言在曾展望這個年紀時，自己都好靚仔，乜都肯做，「撞牆、跳海，吞火吞劍乜都肯做，希望曾展望努力些，唔好只掛住溝女。」聞曾心移對象是葉蒨文，家輝講笑叫曾改藝名「林子祥」。

東網網站 : https://on.cc/東網Facebook專頁 : https://www.facebook.com/onccnews/