馮盈盈與波子影寫真爆喊　洪永城分享愛犬尋親故事

藝人馮盈盈與洪永城（Tony）攜愛犬現身無綫寵物綜藝節目《寵你一世》，馮盈盈首度帶愛犬波子到影樓拍攝寫真，當她看到成品時竟感動到哭成淚人，她解釋：「我覺得呢張相對我哋好大意義，因為其實波子仲有個家姐，但家姐之前過咗身，佢過身時我哋先發現，原來冇真係好認真咁影過一輯咁正式嘅相，所以喺佢告別儀式時都有諗，早知影輯寫真…有咗今日呢啲相，我諗後面就算發生咩事，都唔會有遺憾。」她又笑言為了拍攝這輯寫真，足足緊張了一個星期。

至於Tony就跟愛犬Molly挑戰水上活動，落水後Tony因害怕酷熱天氣令Molly不舒服，不斷貼心的將冰涼的海水潑到Molly身上，而主持人之一的戴祖儀身穿可愛泳衣款上陣，也有幫忙照顧Molly，期間弗爆小蠻腰及修長美腿更意外搶Fo。事後Tony感嘆過程辛苦但值得：「比起照顧小朋友真係更加攰，要驚佢周圍亂食嘢、又要驚佢衝落水踩到玻璃。雖然攰，但對我哋係難忘嘅體驗。」

Molly是Tony四年前透過動物領養中心，從繁殖場收養回來的狗仔，並經過Tony與太太梁諾妍悉心照料後，變成現在的開心狗狗，Tony感激Molly為其一家四口帶來不少快樂回憶：「佢係大家姐，幫我睇住兩個妹（兩個囡囡），亦提供咗好多歡樂畀我哋。」Tony還分享了Molly有趣又轉折的「尋親」感人小故事，事緣因為梁諾妍愛在社交網分享Molly生活照，有一天，有一位狗主透過社交網聯絡梁諾妍指家中愛犬與Molly的笑容太相像，經過一輪聯絡及交換狗隻晶片號碼後，竟得出Molly是對方狗狗母親，Tony說：「然後陸陸續續都發生咗相同嘅事，就係咁Molly搵番佢（其中）四個小朋友，依家大家間唔中都會約出嚟、當親子聚會。」

東網網站 : https://on.cc/東網Facebook專頁 : https://www.facebook.com/onccnews/