鄭伊健歌迷會成立33周年　珍貴照片出土再現短髮look

更新於 04月11日06:25 • 發布於 04月11日05:06

整整八年沒有舉辦歌迷聚會的鄭伊健，趁今年是「鄭伊健真心同盟國際歌迷會」成立33周年，約定在日前以「久別重逢」為主題舉行fans meeting。伊健心情大好，穿上貌似牛仔斗篷，實情是一位日本朋友用「和紙」為他精心設計並製作的服裝，是日他的大樂隊亦穿上一式一樣的團隊服，非常有氣勢。

伊健問台下：「其實Fan Club成立咗幾耐？（30幾年）30幾年咩？多謝大家，原來我哋已經30幾年偶像與Fans嘅關係。」

久別重逢的fans meeting筵開25席，招待約300位來自香港、內地、台灣、日本、韓國和新加坡等各地fans，伊健自離開—《430穿梭機》後便鮮有再做主持，為了給粉絲驚喜，伊健化身導演兼司儀，親自安排表演項目。除了邀請合作無間的音樂監製陳光榮、歌手朱雋言和圈外好友Percy ，組成期間限定band表演，還有陳光榮兒子Aiden演奏大提琴打頭陣。粉絲就以這30幾年來，跟伊健經歷的片段剪輯成MV回禮。

回看昔日照片，跟年輕時的鄭伊健久別重逢，連伊健自己都感動到眼濕濕。

娛樂-鄭伊健-歌迷會成立33周年-珍貴照片出土

現場所見，伊健的「成長」照相當珍貴，還不乏他短髮舊照，包括他拍攝陽光檸檬茶廣告時的青澀學生王子look、極罕有的超短髮造型，還有他在兒童年目年代的照片亦一一出土，伊健看後非常感動，一度講不出話，強忍淚水。他說：「30幾年，有啲朋友喺度，有啲移咗民，有啲朋友⋯⋯大家身體健康！」

廿歲出頭的鄭伊健，一臉幼氣的陽光男孩。

台上表演由伊健安排，現場就由fans悉心布置，重現電影《久別重逢》場景劇照，讓fans代入女主角與偶像合照，還有歌迷會舊會的剪報。

娛樂-鄭伊健-歌迷會成立33周年-珍貴照片出土

Fans Meeting不少得表演環節，伊健一連唱了《隨時候命》、《一起衝一起闖》和《自動勝利Let‘s Fight》等歌曲，演唱《Stronger》前，他說：「疫情期間好蕭條，要戴口罩出街，有好多嘢唔做得，嗰時我拍咗個廣告，首歌由陳光榮寫，我好鍾意份歌詞，鼓勵大家喺低潮時唔好咁易放棄！」粉絲意猶未盡大叫encore，全場大合唱《Together》。

台上還宣布好消息，伊健說：「以前香港唔太重視電影音樂，直至陳光榮出現，《仍能情深愛上》來自《姊妹情深》，仲有《風雲》、《中華英雄》、《極速傳說》，唔只我嘅電影，仲有《無間道》和《頭文字D》都係來自陳光榮。依家好多電子嘢，撳個掣就聽到，好少人會做隻碟留個回憶，佢就係做緊呢件事。今次仲會出黑膠碟，留住今年曾經有一樣嘢出現，感動到大家，記低佢，呢個就係我哋嘅回憶。」

伊健笑言要公開與Aiden的秘密關係：「你哋睇吓佢嘅髮型，長頭髮㗎，我將呢個秘密講出嚟，大家會唔會好驚？你哋係咪唔想接受？」台下fans起哄，有人搶答是「私生子」，令他們哭笑不得，結果伊健揭曉Aiden 是陳光榮的兒子，這是他第一次公開表演。

娛樂-鄭伊健-歌迷會成立33周年-珍貴照片出土

每位fans的座上都有一盒伊健出道拍廣告的檸檬茶，還要是當年的復刻版包裝，意義重大。

圖片：大會提供

查看原始文章