車婉婉仔仔去軍校訓練營難捨難離　出發前喊住寫信

憑無綫歌唱比賽節目《中年好聲音》中擔主持人而氣急升的車婉婉，與仔仔BBQ可謂母慈子孝。日前她送仔仔參加黃埔軍校訓練營，並在社交網分享過程。相中所見，BBQ自拖行李，入營前更展現燦爛笑容，而婉婉跟BBQ分別時，母子來一個嘴對嘴親吻，相當難捨難離。

婉婉寫：「Q MaMa 、BBQ先生和好朋友仔一齊坐高鐵到廣州，準備第二日入黃埔軍校訓練營。入營之前帶咗佢哋去腳底按摩，為一星期的訓練作好準備，一早起身食個靚早餐，精神爽利入營去，好彩，廣州的天氣不太差，沒有影響小朋友入營，真係感恩。」婉婉指今次是與仔仔共同的寶貴學習經驗，她說：「大家齊齊走出Comfort Zone！小朋友學習自己照顧自己，學習有紀律的生活；Q MaMa學習捨得，學習Let Go，信任BBQ… 家長可以寫信畀小朋友，交畀生活老師，出發前的晚上，我攞起支筆，一寫就寫咗三封⋯ 一邊寫，一邊眼濕濕，真係好特別的一種感受。」果真難為天下父母心。

東網網站 : https://on.cc/東網Facebook專頁 : https://www.facebook.com/onccnews/