保錡做運動被誤會Hea做　本尊：唔使Chok到殺人先叫認真

男團ERROR成員保錡一向惹火，不時受到網友狙擊。一向熱愛運動的他，早前滿腔熱誠在網上召集大埔街坊出席運動會，宣揚運動能強身健體的正面訊息，但當他宣布邀請了「香港抽水王」林作跟出席的街坊分享做運動心得時，即令跑友反感，揚言要退出由保錡有份創立的「大埔民間體育會」群組，又暗寸：「睇嚟阿叻事件（跟陳百祥合作）後仲未學精」。

不過，保錡懶理閒言閒語，今日透過社交平台分享參加全球最大型室內健身比賽的相片，令他全力以赴做到最好，落足力青筋現埋，滿身汗水兼渾身是勁，相當賣命，他發放正能量：能夠做自己喜歡的興趣，是一件快樂的事，Love what you do。」不過，有網友指見到他story全程笑笑口，仲以為你Hea做。」最後才知他能夠輕鬆完成，保錡亦有回覆表示：「 其實做運動一定要笑住享受去做！唔使chok到殺咗人先叫認真！有足夠嘅練習！笑住去享受比一切都重要。」不少網友讚他表情管理一流，又讚他相當有魄力。

東網網站 : https://on.cc/東網Facebook專頁 : https://www.facebook.com/onccnews/