關嘉敏初見姜卓文如着魔　撇陰影求愛尋回拍拖感覺

藝人關嘉敏在無綫戀綜《女神配對計劃》中表現直率，主動向「星二代」姜卓文表白，獲不少網民大讚「真女神」。原來她以往情路坎坷，更曾遭初戀背叛，已單身3年的她直言：「真係唔記得咗戀愛嘅感覺。」

關嘉敏透露拍攝時第一眼望見姜卓文便主動示好，更大讚對方有才華兼有型，令譚輝智及林盛斌也不禁叮囑她「矜持啲」。回想當初的行為，她笑說：「我從來都冇試過咁主動，亦答唔到你點解，有啲好似着咗魔咁，都驚嚇親佢。」

姜卓文比她年輕，外形亦不是她心中「那杯茶」，但關嘉敏大爆二人早已曾於團拜結緣，但當時全日說不到5句話。問到有沒有信心日後繼續與姜卓文發展，她坦言：「單靠節目有啲難，但想慢慢了解吓。」談起擇偶條件，她直言從不是「外貌協會」會員：「我偶像係C君！總之心地善良同專一就好，我比較喜歡直接，大家唔好兜圈。」

曾遭初戀背叛

條件不俗的她原來已單身3年，談到戀愛話題更表示：「好似迷失咗咁，唔識得點拍拖嘞，今次好想搵番戀愛嘅感覺。」關嘉敏由17歲開始闖情關，一路上飽受情傷，更大爆初戀男友竟讓她在不知情下跌入三角關係中：「佢同佢嘅前度關係複雜，有日我去佢屋企無意中發現佢部電腦有大量對方嘅性感照，嗰個女仔仲留言問佢今晚去唔去佢屋企。」當時她呆立爆喊，卻又被男友的溫婉安慰氹番，結果對方卻於聖誕節騙她要去踢波，事實是跟前度食大餐：「個女仔仲影咗張揸住禮物嘅相Tag我，經歷咗兩年我先決定分手，一度唔再相信愛情！」

對於未來的感情生活，關嘉敏表示隨緣，更拒絕相親，問到是否初戀令她留下不能磨滅的陰影？她謂：「都有一段日子疑神疑鬼，但後來明白佢要呃就一定有辦法，Check對方電話又有乜用吖？真係見到有嘢咪又係自己傷心。」

東網網站 : https://on.cc/東網Facebook專頁 : https://www.facebook.com/onccnews/