9歲陸海悠學校巡演參觀中學開眼界 梁煒謙獲女同學派心
9歲的陸海悠（Hazel）和21的歲梁煒謙（Vince/表弟）也是2025樂壇新人，他們皆希望趁着暑假努力宣傳工作外，更能服務社會參與慈善演出和校園騷。終於等到機會，日前獲邀出席《樂力慈善音樂會2025 School Tour》，到觀塘慕光英文書院表演並且宣傳防騙信息。
當日Hazel打頭陣出場，先跟主持分享防騙經歷：「試過有人打電話問我攞個人資料，知道好危險，我當然冇畀啦！」之後Hazel又唱又跳親自作曲填詞的新歌《Cotton Candy Dreams》，面對着350名中三及中四年級的大哥哥，她沒有怯場，可愛演繹加上熟練表現令全場師生起哄。之後，Hazel再以K-pop舞蹈演繹韓國AI女團MAVE歌曲《PANDORA》，技驚四座獲歡呼讚好。
Vince緊接出場，他提到搵暑期工時險受騙：「有次喺街申請暑期工，叫我留低咗個電話，點知之後一日收到幾百個詐騙訊息，雖然我冇覆，但都好困擾。」表演時間，Vince先演繹親自填詞的出道作《夜雪》，第二首歌選唱張天賦的《說謊者》，他落台跟一班學生互動，握手又擊掌外，還有女學生主動跟Vince畀心心。
兩人首次參與校園騷，Hazel是首次踏足中學，對她來說這次經歷相當新鮮：「第一次做School Tour，第一次行到入中學嘅禮堂覺得真係好大，我仲係返緊小學禮堂真係冇咁大。」最難忘是第一次被邀簽名，「好特別嘅體驗就係幫人簽名，竟然會有大哥哥大姐姐過嚟搵我簽名，真係勁開心，仲有個靚姐姐叫我簽喺佢個袋度，後尾佢仲follow咗我嘅ig，希望可以再參加多啲School Tour，真係好好玩。」
現在是醫學院生物醫學學生的Vince也相當興奮：「首次做School Tour，估唔到啲學生咁熱情，氣氛真係好好，呢次係我中學畢業後，第一次去到中學禮堂度做表演，自己好似做番中學生。如果將來有機會返自己母校做School Tour就好嘞！」
（即時娛樂）