外傭疑疏忽照顧 BB被熱粥嚴重灼傷 港爸求助：有冇得告虐兒？（附燙傷處理）

不少家長會聘請外傭照顧小朋友，隨時所託非人。一名港爸在Facebook 群組上載照片，指疑外傭疏忽照顧BB，令BB上半身皮膚嚴重灼傷，出po向網民求問應否炒外傭及告虐兒，事件引起網民關注。

醫生：有機會要植皮

港爸在「聘請工人姐姐關注組」發布一張相片，可見BB上半身皮膚發紅。他指，發現工人姐姐清潔時偷懶，沒有清潔乾淨，質疑她講大話。之後，工人抱著剛一歲大的兒子入廚房睇粥，「冇耐就聽到BB喊得好大聲，瘋狂咁喊，我太太入去嘅時候見到工人姐姐抱住BB喺廁所度沖水，見到BB隻手不停甩皮，我哋即時報警送咗BB入醫院，救護員嚟到嘅時候剪開BB件衫，發現佢半身都喺度甩緊皮，嚴重灼傷，醫生話可能要植皮。」

他相信工人不忿被罵而報復BB，直言想解僱工人，向網民請教相關經驗，了解是否需要賠償。他認為事件可能涉及嚴重疏忽照顧及虐兒，希望網民教路。

有網民建議樓主先驗傷，後報警，再告工人虐兒。「如果證據足夠，一經入罪僱主唔需要賠償工人一個月代通知金。你仲要去入境處投訴工人虐兒」，亦有人表示「唔係解雇咁簡單！佢宜家係虐兒加疏忽照顧兒童！」

灼傷應如何處理？

熱食的熱力對皮膚幼嫩的幼兒，可以造成嚴重的傷害。根據醫務衞生局的指引，如5歲以下的幼兒遇燒傷及燙傷，必須到急症室求診。切忌脫去緊黏在傷口處的衣服或在傷口上胡亂塗藥膏或藥散；切忌弄穿水泡，以免感染；不要直接在傷口上放冰塊，以及不要用手或不潔的東西接觸傷口。

圖片：Freepik、網上圖片