梁詠琪擔任林家謙個唱嘉賓 妙語連珠互動「追債」送戲飛

林家謙在紅館舉行《White Summer》演唱會，昨晚（22日）來到第3場，梁詠琪（Gigi）擔任嘉賓。2人同台合唱經典歌曲，更妙語連珠互動，從「心經傳授」到「紅館追債」，再到互贈「矮仔正傳」與「I仔」創作約定，全場笑聲不斷！

Gigi甫登場便與家謙溫情合唱《某年仲夏》，隨後笑問：「家謙好耐冇見！對上一次已經係1、2個月前，我哋喺灣仔食飯㗎啦！我好掛住你！不過同你食飯，你都唔係好講嘢……」家謙靦腆回應：「有第三者喺度嘛，所以我少出聲。」Gigi說：「但我發現你耳仔一直豎起，吸收姐姐心經囉！」

接著，Gigi準備禮物送給家謙，拿出有份演出的電影《無名指》戲票，她說：「最近電影業好低迷，我嚟咗你呢度，我都冇去宣傳，今（昨）日套戲上咗啦！」她笑著送戲飛：「你中間休息睇下戲放鬆下啦﹗」家謙回應：「一張得啦，我一人之境，哈哈！」

Gigi接着宣布，再送出20張電影票給現場觀眾，高呼：「大家係咪同家謙一樣，支持香港電影？我支持你哋一齊撐香港電影業！」並笑言：「送兩張飛電影公司冇着數啦，我送一張，你買一張啦！」2人分頭向觀眾派戲票，現場氣氛熱烈。

派完飛，Gigi突然又「追債」：「上次食飯我同你講，不如你寫多首歌畀我啦，你幾時交歌？」家謙搞笑哀嚎：「紅館變追數現場呀𠵱家！」Gigi乘勢提議「交換歌」：「我有首《高妹正傳》，你想要乜乜正傳？」家謙自嘲：「你寸我呀？矮仔正傳囉！」Gigi立即護航：「你邊矮呀？」家謙笑稱：「我搭棚呀！我叫咗你唔好着高跟鞋，你唔好着鞋最OK！」

Gigi再出奇招：「我諗住寫首《I仔》畀你！」家謙神回應：「I仔咪矮仔囉，哈哈！」2人機智互動，讓觀眾直呼「可愛到爆」Gigi最後宣告：「大家聽住啦！矮仔又好，I仔又好，總之大家做證！我哋交換！拍低佢！」隨後2人合唱家謙寫給Gigi 的《平安夜》。

除了與Gigi的精彩互動，林家謙在第3場演出中，再次展現驚人實力。繼首場因鋼琴沒電即興清唱《某種老朋友》後，昨晚他主動選擇在鋼琴有電情况下，再次清唱這首歌。紅館現場頓時靜謐無聲，觀眾沉浸在他動人歌聲中，而他亦投入唱至眼泛淚光。

（即時娛樂）