魔童單手接畢業證書 張智霖話要返屋企車個仔兩巴
藝人張智霖（Chilam）今日（23日）現身元朗，為代言月餅產品擔任一日店長，並分享早前拍攝廣告時穿起圍裙，親手搓麵粉製作月餅的感受。
Chilam表示是首次製作月餅，試過後才明白要製作美觀又美味的月餅不容易，笑言還是課金買現成最實際。自稱吃貨的他，早前曾入院接受移除膽石手術，坦言術前要吃得很小心，笑指現在身體非常健康，可不用顧慮放心吃，絕對是一個值得做的手術，問到太太袁詠儀（靚靚）可有監控他的飲食？他説：「冇啦，我依家比佢健康得多，我好鍾意食紅燒肉同叉燒，依家唔怕食。」
談到中秋將至，Chilam透露兒子張慕童（魔童）屆時已身在外地升學，加上自己也要忙於內地參與拍攝，因此會提早慶祝，自己近日每有空檔都會孖住兒子，一起吃飯多傾偈，問到會否不捨？他說：「我冇㗎，我覺得男兒志在四方，應該開拓自己眼界，見識多啲會更加好。」提到他下星期迎來54歲生日，接着便到靚靚生日，他表示兒子9月中才起程，可跟兩老慶祝，不過自己現在比較喜歡寧靜簡單過生日，不用特意為他搞派對。
提到網上早前流出兒子出席畢業典禮片段，有網民指他只以單手接過證書似乎有欠禮貌，Chilam笑指兒子平日很注重自己形象，想信當日因內心緊張才會有如此表現，他笑謂：「睇落個觀感唔係好好，返去要『車』佢兩巴，哈哈！（話魔童寒背？）唔知係咪年輕人玩手機多，你睇我幾挺拔先得㗎！可能佢高過我，見我要咁挺拔望佢，唔捨得所以遷就我。」他理解現今世代，年輕人難免要使用電子產品，但希望大家使用時都要注意正確姿勢。
Chilam透露《披荊斬棘2025》預計於10月底完成錄影，緊接便會為新劇《璀璨之城》開工，《璀》劇原先在7月開鏡，於珠海和澳門取景，Chilam要同時兼顧《披》和《璀》的拍攝，但有傳因要修改劇本而延期，Chilam形容自己很幸運：「兩件事變成分開做，我可以做得更投入，做得更加好。（劇本大改？）唔會大改，只係有啲位會執得更加好，精益求精！」他指劇中能跟多位「老戲骨」合作，令他感覺舒適。
東網網站 : https://on.cc/東網Facebook專頁 : https://www.facebook.com/onccnews/