《巨輪》Re-U 鍾嘉欣惠州個唱送驚喜 邀陳展鵬合唱

「Remember記得・鍾嘉欣演唱會」繼廣州、佛山及深圳後，昨晚（19日）在惠州江北體育館舉行第4站個唱，今次是鍾嘉欣（Linda）第一次到訪惠州，但觀眾對她並不陌生，全場爆滿，反應熱烈，Linda大叫感動，全晚高潮莫過於嘉賓陳展鵬與Linda合唱《都是你的錯》，2人曾合作熱爆劇《巨輪》，如今相隔多年Re-U，掀起回憶殺。

由Linda與陳展鵬主演的經典劇集《巨輪》，2013年開播贏得收視口碑，兩位男女主角相隔多年，再次踏上舞台合作，掀起回憶殺，Linda表示：「我對上一次同展鵬喺台上合唱，係大概10年前喺美國登台，之後大家就冇再見過面。」Linda透露再次跟展鵬合作，勾起不少合作《巨輪》時的回憶，她大讚展鵬是非常認真、心思細密的演員，是她其中欣賞的人，Linda說：「初認識展鵬時，覺得佢好似張學友『mix』superman，張學友係我好欣賞歌手，我今次點歌，希望展鵬可以唱一首學友嘅歌，展鵬好好，佢真係應我要求唱學友嘅《真情流露》。」

問到Linda為何會邀請陳展鵬作嘉賓？Linda說：「同展鵬曾經合作過《巨輪》，好有CP值，好想畀番觀眾回憶，同埋我覺得展鵬唱歌好好聽。」展鵬亦好好，當Linda邀請他時，他亦一口答覆，Linda說：「展鵬永遠都有好親切感覺，佢好有心，好多謝佢，佢仲同我夾唱咩歌好，好有誠意，我哋揀咗《都是你的錯》，我哋覺得觀眾估唔到我哋會唱呢首歌，會帶出驚喜畀觀眾。」Linda續說，除了今次合作外，她期望可以跟展鵬再次合作演戲。

Linda將在8月中到中山舉行第站個唱，她指今年是她豐收的一年：「今年係音樂年，工作上，做到好多新嘗試，亦做到好多自己鍾意做嘅事情，真係好感恩；嚟緊我會出幾首新歌，主題都係醫治心靈作用，只要能夠帶到力量畀人，我都會繼續做，簡單做好每日工作，珍惜每次機會，就係現時我嘅生活。」

（即時娛樂）