泳兒殺入日本Live House 僅15分鐘演出：煮到埋嚟就食

泳兒（Vincy）日前帶一班幸運Fans組成「蛋記星級旅行團（Egg Venture Tour）」玩轉東京，這次Vincy的「東京計劃書」第一彈，決定將廣東歌帶去日本，殺入當地著名Live House「Ruby Room」，挑戰Live House的規定：15分鐘表演、無綵排、無sound check的情况下突襲開唱，絕對是另一番體驗。

出發前，Vincy自爆這次「快閃Live」全靠Kendy做「盲公竹」，她說：「佢熟日本嘛，佢推介呢個地方畀我，我諗住都同Fans一齊，不如癲一次！」原來Ruby Room每逢星期二有open mic時段，只要上網報名、自備2首原創歌，就有機會「霸位」15分鐘。Vincy二話不說立即報名，又選了歌曲《花無雪》及新作《計劃書》，還笑言：「報名時諗住死就死啦，最驚係冇人睇我唱歌咋。」

沒有綵排亦無熱身，Vincy唯有1個鐘前於酒店內跟樂手預熱。Vincy甫入場直接開咪，她坦言：「因為未去過，本身好驚冇人睇，但既然我都計劃咗啦，都心理準備咗：『就算冇人都要照唱盡興！』」誰知當她甫上台，發現全場逼滿人，更有不少日本觀眾隨歌曲節奏擺動身體，嚇得Vincy一跳。雖然只有15分鐘，但Vincy體會深刻：「畀我感受到唔係所有嘢都可以100% plan好，或者under controlled，有時候煮到埋嚟就食啦，上到台無論咩環境都照唱，盡量做，做到最好。」

（即時娛樂）