聲秀︱林潔心成六燈選手　鍾舒漫飛奔送抱安慰失準文雅姿

無綫全新歌唱大賽《聲秀》昨晚（27日）播出第二集，節目中表現最吸睛的是「六燈選手」林潔心（Bibi），6位導師當中譚耀文與劉浩龍更出動「王牌紅燈」搶人，結果由搶先一步的劉浩龍勝出。Bibi演唱泳兒的《溝渠暢泳》高低音穩陣、感情豐富的同時，還唱出了別具魅力的迷幻感。撳紅燈的譚耀文坦言海選時已很欣賞Bibi：「因為你好有爆發力，知道你再落去仲有好多好多變化可以畀大家睇到，我鍾意你唱歌嘅tone。」同樣亮出紅燈的劉浩龍：「頭先佢一出嚟，一唱第一句，大家都…（邊說邊做出傾前動作），證明好入心，所以我要搶。」原唱泳兒亦大讚Bibi，爭輸人的她更向師兄開玩笑：「你搞唔掂可以過嚟搵我。」

昨晚另一焦點，落在擁有磁性聲音、兼唱功別具感染力的林錦興（小林）身上，演唱《到此為止 》的他爆發力驚人，小林只唱了兩句，吳浩康便亮出黃燈，對於很多人直指同任地盤工作的小林是「細Deep」，吳浩康亦笑言：「直情係失散咗嘅仔。」並形容小林有衝勁：「我睇佢海選時，已畀佢唱歌嘅Energy吸引咗，因為力量型嘅演唱我相信都會係（我）自己比較常用嘅方法。」眼見「兩父子」如此投契，同樣有撳燈的胡鴻鈞宣布放棄爭人：「我覺得好似阻住你咁。」

獻唱《為何他會離開你》的徐惠晴（Vanessa）表現稍有失準，唱畢後自責爆喊，但由於其感染力及唱功均相當不俗，故仍獲得三盞黃燈好成績，泳兒讚嘆：「原來你只得17歲，但已經有一個好老嘅靈魂，好有經歷咁，呢個係你嘅music sense。」吳浩康則大讚徐惠晴演唱心態極好：「你令到我覺得我撳呢盞燈係冇錯，你會為你嘅演出而喊同失望，因為你着緊，你心態同質地都好好。」被視為「顏值擔當」之一的胡港豐（Andrew）則因誠懇態度獲導師譚耀文賞識：「鍾意就鍾意，我覺得佢好誠懇。」阿譚更直指覺得Andrew可以有更多變化：「佢音域好闊，仲有好多power喺裏面。」

而本集跌入危險區的分別是文雅姿（Xylia）及陳芷晴（Isabelle），文雅姿得悉要跌入危險區一刻相當自責，更邊喊邊跑往後台，獲導師鍾舒漫暖心衝入後台擁抱安慰，鍾舒漫更鼓勵文雅姿不要放棄：「Good job！你真係好有potential，唔好放棄。」

東網網站 : https://on.cc/東網Facebook專頁 : https://www.facebook.com/onccnews/