戲曲中心10點後黑晒　連支水都無得買　議員：點提升經濟

經濟低迷，政府催谷夜經濟，但場地並未能配合。有議員提及親身的經濟，指戲曲中心10點後「黑晒」，場內無嘢買、無嘢食買、連支水都無得買」，還如何提升經濟，直指政府應想方法如何去挽回觀感及體驗。

議員容海恩今日(19日)在立法會辯論有關推動本地消費的議案時，指零售飲食環境好嚴峻，政府需要考慮高層次提升香港消費能力。她又提及政府應提供更多的場地進行展銷的活動，例如啟德體育園、西九文化區及戲曲中心等，然而該等場地「唔係好多嘢賣，好似體德體育園最近無論購物或飲食都有，但係點樣推廣好本地品牌呢？希望政府可以畀多啲場地去做好，包括戲曲中心。」

她又說：「因為最近我自己都去過戲曲中心，到夜晚11點，10點打後係全部黑晒，乜嘢都無得賣，連場入面都無嘢買，唔好話買嘢食， 買嘢都無得賣，一支水都無得買，我哋諗點樣提振本地經濟，嗰度正正係『爆場』， 試諗下，香港地，10點過後嘅戲曲中心『爆場』嘅，入面連支水都無得買，叉電器都無得借嘅時候，點樣去提升香港經濟呢？」

她續說：「即係市民覺得去到睇完戲就走嘞，全部喺嗰度散場嘞！希望政府去睇吓點樣提升返個觀感同體驗，同埋餐飲服務都係需要。」

東網網站 : https://on.cc/東網Facebook專頁 : https://www.facebook.com/onccnews/