張繼聰長子18歲生日　老竇送歌又送書勁有心

藝人張繼聰與謝安琪自婚後誕下一兒一女，一家4口生活美滿，長子張瞻（James）早前中學畢業，昨日更迎來18歲生日，正式成為成年人。昨早張繼聰在社交平台公布即日推出新歌《Trash Talk》送給兒子，並寫道：「希望你可以勇敢地行自己嘅路，期待有一日1 on 1嘅時候，可以打贏我、超越我。」歌曲講述兩父子之間好像朋友互相激勵的一份父子情，MV更是很有型的漫畫風格。

隨後，張繼聰再度在社交平台發文，表示有件好癲的事，想分享給大家：「2006年，一知道自己將會做爸爸，即刻開始一個計劃，每日寫兩篇日記，為期10個月，一篇係畀老婆嘅，等佢坐月嘅時候睇，解吓悶，另一篇，就係寫畀未出世嘅囝囝，後來，差唔多300篇嘅日記，喺2007年結集成書，成為《2.7cm的花生米》。」

他續指當時打算等James18歲，親手送給他：「眨吓眼，就到咗2025年6月16日，佢今日18歲，可以親手將呢本…啲紙都已經變黃嘅書送畀佢，Happy Birthday James，當你睇完本書，你就會知道你老竇幾勁，呢份禮物，鋪排咗咁多年，猛啦掛？」更不忘感謝為他生子育女的太太謝安琪：「最後，我想多謝老婆，多謝你養育咗一個咁優秀嘅小朋友，Love u。」

張繼聰更晒出書中有他當年雙手高舉幼年James的照片，另一張相片則是他以相同姿勢高舉長大成人的James，完美重現當初的回憶，貼文獲James轉發到自己的限時動態，並配上媽媽謝安琪的歌曲《第一天》及感動的表情符號，相信他亦因爸爸的用心而備受觸動。另外，一眾網民都紛紛留言表示大受感動，又指張繼聰拉高了爸爸的標準，大讚他是「老竇天花板」，更有粉絲擔心他的腰，引來他幽默回應：「broke my back after the photo(拍完照片後我的背就斷了)」

東網網站 : https://on.cc/東網Facebook專頁 : https://www.facebook.com/onccnews/