林子聰開工運動量大瘦13kg　仔女代表香港參加舞蹈比賽

藝人林子聰（肥仔聰）太太Christy結婚前任職芭蕾舞導師師，自嫁予肥仔聰後，就專心相夫教子，並育一對仔女，大仔林奕滔（Chester）與細女菲菲都遺傳了媽媽的舞蹈基因，都非常喜歡跳舞，近日更齊齊到新加坡參加國際比賽，Chester在港已獲得港區比賽金獎，成為唯一香港代表參加個人賽，認真叻仔！菲菲亦都相當不錯，奪得團體舞金獎。肥仔聰受訪笑言戥一對仔女開心，自己亦有到新加坡睇小朋友比賽，希望一對仔女好好享受跳舞的樂趣。

早前，曾被指暴瘦的他，原來與工作有關：「因為之前開工，運動量好大，每日行至少二萬步，所以瘦咗13kg，依家肥番喇。」暑假專心陪仔女的他，透露9月將北上開拍新戲，屆時仲要剃頭演出。

東網網站 : https://on.cc/東網Facebook專頁 : https://www.facebook.com/onccnews/