網上熱話｜將軍澳冰室變睡床？ 男子除鞋翹腳放檯邊「瞓到扯鼻鼾」

茶餐廳座椅變睡床？社交平台有網民前往將軍澳一間冰室食早餐時，發現鄰檯一名男子睡意大作，連早餐都未有進食便直接於座椅上「大覺瞓」，更懶理店員「瞓到扯鼻寒(鼾)」，更除了鞋把翹腳放在檯邊，行為令人側目。

facebook群組將軍澳主場周日(6日)早上有女網民發帖文及照片，當時她於將軍澳一間冰室食早餐，發現鄰檯一名四眼男子把座椅當睡床，當時早餐已上檯，但男子未有進食，更除了鞋翹腳放在檯邊及座椅上，旁若無人如把餐廳當自己家，「職員話佢瞓左好耐，問佢係咪唔舒服又唔應人，連對鞋都放埋上凳到，重瞓到扯鼻寒(鼾)，想知後續係點。」

網民批「依家啲人越黎越冇文化」

帖文引發網民熱議，「幫佢call白車有人暈左」、「呢啲咁嘅情況應該職員係會通知同埋處理的，唔會畀人客咁樣瞓喺度」、「見到呢啲情況！唔洗講即刻報警話有人暈倒，等警察處理！」、「真躺平」、「扯鼻鼾咪好囉，唔扯你先驚」、「梗係同佢用心臟起駁器」、「咁嘅姿勢俾著我瞓唔到」、「慳返屋企冷氣錢」、「呢啲似開完通頂」、「依家啲人越黎越冇文化」、「又係土地問題」。

原文刊登於 AM730

睇完新聞，記得追蹤am730以下平台，接收最新、最啱你嘅消息！
Facebook：am730 (https://www.facebook.com/am730hk)
Instagram：am730hk (https://www.instagram.com/am730hk/)
YouTube：am730 (https://www.youtube.com/c/am730video)