蔡思貝陳瀅賀賴慰玲牛一　Cheronna洋葱文晒姊妹情深

由圈中好友陳瀅、蔡思貝（Sisley）、賴慰玲（Winki）、何雁詩（Stephanie）、陳嘉寶（Anjaylia）同Cheronna組成的「SIXTERS」，雖然各有各忙，但都不時會一齊聚餐，分享近況，傾訴心事。昨（8日）是Winki牛一，眾姊妹日前相約在一起為她慶生，原本應該壽星女成焦點，但估不到事後Cheronna於社交平台甫出「洋葱文」，令6人的姊妹情更加亮眼！

Cheronna於社交平台分享當日的照片，並寫道：「呢5個女人要約齊人係有啲難，見得唔多但係喺我主要經歷生命入面嘅高低起跌，我發現佢哋都知道好清楚。」她指眾人見面都會互相Update近況，Cheronna自嘲長期陷谷底，但一班姊妹從未嫌棄：「好感恩，可能呢幾年我都keep住係谷底 佢哋從來冇放棄我，迫我出嚟，迫我update，迫我分享，迫我面對自己嘅痛，佢哋會出力扶起我，雖然外界見到我哋笑哂咁（冇理由post喊嘅）不過我哋傾咗N咁多個鐘，係對方面前容許自己脆弱，有時仲會撒嬌（not me），粗口横飛又得（係我），毫不留情咁話我臭（香水味太濃，明明係香嘅）。」

Cheronna為今次生日飯局買蛋糕，結果行了好多間餅店才找到4個心水蛋糕，結果揀了一個壽星女「麻麻哋Like」的開心果蛋糕，但Winki當然不介意，友誼萬歲，食甚麼都好吃，而Cheronna亦百無禁忌地留言：「呢5條女應該要喺我喪禮扶靈。」之後再補飛寫了一句：「Anyways 賴慰玲生快 多謝你畀面食咗幾啖排最後嘅蛋糕，辛苦晒！」除了跟「SIXTERS」慶祝，《奇情谷》的一眾台前幕後都有同賴慰玲慶祝，令她十分感動。

東網網站 : https://on.cc/東網Facebook專頁 : https://www.facebook.com/onccnews/