吳浩康拍廣告美食當前　攞正牌又食又飲

「職安真漢子」吳浩康（Deep）獲廣告商垂青，邀請他為啤酒品牌拍攝最新一輯平面廣告，Deep表示：「剛收到品牌合作邀請都覺得好驚喜，呢排天氣咁熱，我哋戶外工作有時都幾攞命，收工都會同啲同事搵個地方嘆下冰凍啤酒，估唔到平時放工鍾意飲返杯充充電，依家飲到可以拍廣告，賺到奶粉錢，無諗過貼地生活都可以帶嚟工作機會，仲可以係老婆面前威番次，寓飲酒於工作，真係好感恩。」

為配合今次廣告主題，製作單位特別安排在港式餐廳取景，還準備了多款大排檔特色鑊氣小炒及啤酒，完美呈現放工飲番杯的放輕鬆心情，Deep 表示：「講真飲啤酒真係難我唔到，估唔到今次最難係要忍口，廣告拍攝以為啲嘢食全部係道具，但見啲餸全部都熱辣辣、香噴噴，先知道大廚原來全程Standby，Roll機前先即炒碟餸出嚟拍，面對住美食同啤酒呢個絕配，最近Keep 緊Fit嘅我真係忍得好辛苦，但為咗拍攝效果，唯有犧牲小我，攞正牌 又飲又食，真係爽到爆啊!」

東網網站 : https://on.cc/東網Facebook專頁 : https://www.facebook.com/onccnews/