陳若思帶阿媽去旅行　曼谷水族館潛水睇鯊魚

藝人陳若思(Amber）早前完成無綫劇集《刑偵12》宣傳後，最近相當有孝心帶阿媽去旅行，母女到泰國6日度假，除了叫喝玩樂，「港女野人」Amber更帶阿媽潛水，夠晒刺激，她受訪笑說：「我同我老闆娘，我嘅靚媽咪，嚟到東南亞最大嘅海洋水族館潛水，呢度係一個超誇張嘅地方，入面有成群結隊嘅大型海洋怪獸，鯊魚、魔鬼魚、海龜，樣樣有齊！最正係，就算我媽咪冇潛水牌都可以試吓潛水！」

雖然在水族館潛水不用潛水牌，但事前也要接受專業教練訓練，Amber說：「教練好有耐性咁教我哋基礎潛水技巧，點樣清鏡、點樣用氧氣筒呼吸，仲帶我哋去練習池試水溫。媽咪好努力學，但到咗真正潛水之前，佢開始驚，最後都冇落到去。」

最後Amber自己落水，一落都族箱就被眼前的魚群嚇親，眼前所見的相當震撼，她說：「成群鯊魚、魔鬼魚同海龜喺我隔籬游過，近到我伸手就掂到！有條鯊魚慢條斯理咁喺我面前游過，我望住佢嗰啲尖牙真係心跳加速。教練仲同我打手勢，叫我同條魔鬼魚揮手，不過講真，嗰一刻我心入面有啲驚，因為真係好有壓迫感。諗落慶幸媽咪冇落水，因為佢見到呢啲鯊魚同魔鬼魚咁近，估計應該會好緊張，未必可以做到一個浮力平衡。潛完水，就同媽咪喺水族館入邊行咗陣。」之後Amber與媽咪到大象保育營睇動物：「好鍾意放假同媽咪去接觸動物，接觸完動物，個人都會開心好多，同埋製造咗好多深刻回憶。」

東網網站 : https://on.cc/東網Facebook專頁 : https://www.facebook.com/onccnews/