小S二女開畫展成眾矢之的　被鬧後首貼文竟然講呢啲

台灣女星徐熙娣（小S）的17歲二女兒許韶恩（Lily）上月舉辦首場個人畫展，因父母資源而獲得極高曝光度，即引發網友爭議，更有人質疑佢嘅創作有抄襲之嫌，即使Lily承認創作風格受日本藝術家奈良美智影響，都未能平息爭議。尋日（3日）Lily喺辦完畫展後首次更新貼文，佢自爆染咗一頭冷棕色頭髮，再次引發熱議。Lily今次未有針對畫展風波回應，持續專注個人生活，佢為業配更新社群，貼出2張最新近照，寫下：「夏天就是要換個新髮色。」照片中，Lily身穿純白套裝，一頭烏黑亮麗嘅招牌秀髮變成啡金色，長度不變。粉絲眼睛一亮，紛紛留言：「不一樣的感覺，比較喜歡你黑髮」、「這是ai套色嗎」、「超仙髮色」。

Lily先前接受專訪時，曾分享身為名人小孩嘅心聲，佢曾困惑為甚麼唔認識佢嘅人，亦會對自己有所評價：「我會問媽媽、問朋友，為甚麼會這樣？」直到某日有人對佢講：「因為你又漂亮、又努力、又高又瘦呀。」呢句話令佢突然明白，自己更要努力，先唔會愧對呢啲「討厭Lily」情緒。

東網網站 : https://on.cc/東網Facebook專頁 : https://www.facebook.com/onccnews/