雪妮病逝｜朱智賢傷心難過難忘「阿Paul」敬業樂業精神

更新於 4小時前 • 發布於 4小時前

朱智賢（左上圖）曾和雪妮合作拍攝劇集《食腦喪B》，她大讚雪妮姐敬業樂業。（資料圖片）

姚子羚（左圖）盼雪妮離苦得樂，跟唐佳在另一個世界繼續相愛。（資料圖片）

何廣沛讚雪妮姐為人善良，對離世消息感到非常惋惜。（資料圖片）

邵音音今午在社交平台悼念周驄及雪妮。（fb截圖）

資深女藝人雪妮昨天因胰臟癌離世，享年78歲，雪妮和丈夫唐佳將於7月14日在紅磡世界殯儀館設靈，翌日出殯。

後輩姚子羚對雪妮離世向《明報》表示：「好懷念可以曾經同雪妮姐同埋佳哥（唐佳）一齊拍攝嘅日子，希望佢哋兩位前輩可以離苦得樂，在另一個地方繼續相愛。」朱智賢對雪妮離世感難過：「好傷心好難過，雪妮姐係一位好好嘅前輩，同佢一齊開工好開心。佢永遠係我哋『阿Paul』（食腦喪B入面對佢嘅稱呼），最記得有一場戲，問佢介唔介意我哋塞佢個頭落蛋糕，佢完全冇架子，佢話可以，好敬業樂業嘅一位前輩，希望佢一路好走，會永遠記住她的好。」

何廣沛亦曾和雪妮合作拍攝《食腦喪B》，他說：「得知呢個消息，感到非常惋惜，雪妮姐為人非常善良，對待我哋一班年輕演員，真係好似嫲嫲一樣。」

邵音音今天下午在社交平台發文：「周聰（驄）哥、雪妮姐天堂有美麗世界！很多朋友！自由敖（翱）翔！」

（即時娛樂）

查看原始文章