劉浩龍珠海騷晒麒麟臂　驚人凍齡獲讚靚仔過出道

歌手劉浩龍現為無綫全新歌唱大賽《聲秀》擔任導師，而佢近年主力內地發展，除登台及商演，更舉行內地巡迴演唱會。日前劉浩龍喺珠海橫琴舉行演唱會《劉浩龍「思覺失調20」巡迴演唱會》，當晚唱出多首Hit爆歌曲，唱到《蒙面超人龍騎》主題曲《衝出去》時，更掀起全晚高潮。

有唔少網民分享現場片段，有人大讚劉浩龍係實力派歌手，唔明白為何紅歌不紅人：「以前以為是陳奕迅唱的」、「師兄呢首好正」、「童年回憶」。網民最驚喜係劉浩龍狀態極佳，着上背心大晒麒麟臂，身形未有走樣，望落同出道時冇太大分別，凍齡力驚人，點睇都唔似48歲。不過亦有Fans睇得出佢有眼袋，但都仲係好年輕，睇得出有健身，更有人大讚佢比年輕時更靚仔。

東網網站 : https://on.cc/東網Facebook專頁 : https://www.facebook.com/onccnews/