伍仲衡黑雨帶嬌妻覆診摸門釘炮轟診所　反過來遭網民圍剿

天文台前日（14日）發出黑色暴雨警告信號，維持大約3個多小時，直至11時10分改發紅雨警告信號。曾任無綫王牌節目《中年好聲音》系列評審的伍仲衡，在社交網發文為太太炮轟診所，抱怨在黑雨下到診所覆診，但就撲空，不過隨即遭大批網民留言批評，事件掀起熱議！

伍仲衡寫道：「伍太約咗今日11:45am覆診，由於黑雨，今朝打電話去診所問吓開唔開，但係打咗5次都冇人聽，WhatsApp問又冇回覆…….由於約好咗，我哋就照去，滂沱大雨揸車由屯門出尖沙咀，結果去到診所……..冇開！依家喺附近食緊午餐，診所都仲未有回覆。」不過伍仲衡的留言就惹來大批網民負評，直斥他「冇常識」：「冇人返工梗係冇人聽啦！冇人返工咁公司WhatsApp梗係冇人覆啦！醫生同姑娘都要注意安全，病人更加要啦」、「黑雨唔返工好正常喎，冇返工又點聯絡病人呢，唔通日日帶埋成個電腦返屋企，黑雨係人都知唔會開㗎啦」、「黑雨/红雨之下，對方都係人，政府話顧主要保障員工」、「猜人返工自然無人聽電話」、「老細，黑雨呀！」

東網網站 : https://on.cc/東網Facebook專頁 : https://www.facebook.com/onccnews/