馮允謙拍新歌MV變落湯雞 與弟弟合作寫詞 以為會打架

馮允謙（Jay Fung）昨天（24日）推出今年第2首英文歌《Close to the Edge》，MV同日晚上面世。《Close to the Edge》由Jay Fung親自作曲，與孖生弟弟Tim Fung合力填詞，講述一段身心有害的關係。

MV故事由Jay Fung與導演一同創作，團隊因為Jay Fung一句「我想淋雨」而租水車拍攝，營造他被大雨淋濕身的效果。他說︰「因為歌詞內容好適合落雨，我又未試過租水車拍落雨戲，好想試被雨淋濕晒。」他透露小時候很期待落雨玩水，可惜加拿大落雨時天氣太凍，不能出戶外玩水，而香港落雨天氣和暖，所以想感受一下。

第一次拍落雨戲，Jay Fung十分興奮︰「今次有好多得意事，首先就係book咗架水車。原本睇天氣報告以為會落雨，點知冇，所以要租水車。另一件得意事就係拍到差唔多最後，水車冇晒水。由於MV最尾係高潮位，要愈嚟愈大雨，要諗點樣拍埋個Ending。結果用到最後一滴水，MV大功告成。我成日見到其他人拍嘅MV落大雨，成身濕晒，失落嘅感覺，未試過就好想試。我知道化妝師、髮型師、造型師好憂慮，因為我髮型同個妝都甩晒，唔知似咩，但我唔理，想做就要做！」

首次與弟弟Tim Fung合作寫詞，Jay Fung笑言沒想過如此順利︰「我好有自己嘅諗法，佢又好堅持，我以為我哋會打交，估唔到合作咁愉快。其實Tim寫嘢幾叻，佢做過撰稿人，今次搵佢幫手，希望寫到唔同嘅感覺。」

（即時娛樂）