林憶蓮巡唱澳門站落幕 金曲掀集體回憶 《至少還有你》大合唱惹淚崩

林憶蓮《迴響Resonance》2025巡迴演唱會澳門站，前晚（27日）於澳門威尼斯人綜藝館圓滿落幕。

澳門站是Sandy今次巡唱唯一一場室內場館，演唱會中段，當《至少還有你》的前奏響起，全場觀眾自發跟唱。Sandy被這突如其來的感動衝擊，數度哽咽無法繼續演唱，她含淚表示：「大家大合唱時有一種共鳴嘅力量，我覺得《至少還有你》好犀利，一齊唱嘅嗰種感動同震撼，好多謝你哋。」Sandy覺得演唱會總給她好微妙感覺，好像和大家認識很久，而每一次演唱會，亦會見到熟悉面孔，感覺彼此看著對方成長，每次跟大家一齊唱歌，歌曲裏面就滿載成長回憶。

Sandy邊說邊抹淚：「我哋今次巡迴演唱會叫做『迴響』，喺呢啲歌曲嘅裏面，有好多唔同我嘅回憶碎片，有好多你同我都經歷過人生階段裏面，有好陽光燦爛嘅日子﹑亦都有不如意嘅日子，但係我覺得好開心，亦都好珍惜大家再喺呢度同我分享一啲歌曲，我亦都希望呢啲歌曲，可以一路陪住你哋，如果有遇到沮喪時候，或者難過時候，希望可以喺呢啲歌曲裏面，搵到一啲力量同勇氣。我覺得人同人嘅感情係好珍貴，呢啲共鳴同埋交流，係我永遠都好珍惜，多謝你哋，希望餘下日子裏面，你哋遇到唔開心嘅時候，搵到呢啲勇氣一齊去reset，好唔好？」

在熱烈歡呼聲與encore呼喊聲中，Sandy重返舞台，帶來連串經典金曲《破曉》、《微涼》、《枯榮》及《依然》，現場不斷掀起迴響浪潮。演唱會結束後，樂迷遲遲未肯離場， Sandy在歌迷的熱情下，再次出現兼兩度安歌，唱出《再見悲哀》為整個澳門站寫上圓滿句號。演唱會結束後，許多樂迷仍駐足場館，久久不願離去，為這場難忘的音樂之夜留下最美好的見證。

（即時娛樂）