網上熱話｜港大畢業大叔應徵Pop Up炒散 WhatsApp錯電話號碼 好心港男幫手轉介
近年香港經濟都keep住差，除了很多行業做唔住引發結業潮外，亦因此而令很多打工仔失業，需要另謀高就搵食。早前一位港男在社交平台上發文，直指自己收到一位港大畢業大叔不斷WhatsApp「見工」，疑似因為自己的電話號碼與炒散的公司太相近引起誤會，最後更被大叔的堅持感動而好心幫忙轉介。
大叔應徵Pop Up炒散 WhatsApp錯電話號碼
早前一位港男在社交平台上發文，直指發生了一件「好搞笑」的事，全因他「突然有個阿叔WhatsApp我一堆嘢話想見工」，事主稱自己「本身打算無視」，但又礙於「諗諗下如果佢真係等錢開飯咪好狗」，於是主動回覆指對方send錯號碼，惟大叔表示「對不起，謝謝通知」之後又再繼續send。
堅持不懈打動樓主
眼見大叔不斷send錯，港男表示「再咁落去驚佢搵足我全日，幫人幫到尾，即刻上去幫佢搵咗彭小姐個電話，希望佢搵到工啦」。而在他上傳的WhatsApp對話中，可見大叔將不少個人資料都send晒出去，當中就包括一張寫有香港大學的證書，疑似在香港大學學位畢業。
網民窩心留言
港男的發文和其好心舉動，引起大批網民熱烈回應，有網民大讚「你幫人幫到底，無因為找錯聯絡人而失去工作機會」、「你不止幫了他，也幫了個家庭，感謝你多行一步」，亦有人認為事件發生全因「上一輩唔識用WhatsApp」，但「班姨姨叔叔雖然可能唔太識用智能電話，但喺學習／工作起上嚟非常認真」，更有很多人送上祝福，「希望佢見工成功」。
睇完新聞，記得追蹤am730以下平台，接收最新、最啱你嘅消息！
Facebook：am730 (https://www.facebook.com/am730hk)
Instagram：am730hk (https://www.instagram.com/am730hk/)
YouTube：am730 (https://www.youtube.com/c/am730video)
留言 0