香胤宅跳芭蕾舞下體現形 蘇皓兒指As One合體機會細
《全民造星V》冠軍香胤宅（Lyman）今日（30日）出席ViuTV綜藝節目《Lyman舞士道》記者會，他在節中除了其擅長的拉丁舞外，更會跟多位女藝人挑戰不同舞蹈，Lyman表示自己是邊拍節目邊學，覺得最難是踢躂舞：「我對腳係唔識跟住拍子去郁。」而最尷尬則是跳芭蕾舞，首次穿上緊身的芭蕾舞褲，問到是否下體現形？他說：「乜都見到晒，我揀咗黑色褲，希望冇咁明顯。」他指學跳街舞後，有意再深入學習，覺得很好玩。問到若其綜藝開拍第二輯，會想挑戰甚麼舞蹈？他說：「Pole Dance，或者去唔同地方當當地嘅舞，例如非洲舞、中國舞都唔錯。」而今次綜藝更被拍成微電影，他自認廣東話有少許進步，太太會做其對手幫他排練，至於工作方面，他透露年尾會演出音樂劇。
同場蘇皓兒（Chloe）跟Lyman等人大跳啦啦隊舞，女團As One出身的她坦言排舞時也有想起當年做女團的日子，她表示：「數數手指都有8年無跳舞，今次係學跳啦啦隊舞，節奏好快好急速，但都跟得上，連我自己都好驚訝，因為我以前唔係女團嘅舞蹈擔當，當年我係學得最慢嗰個，估唔到咁多年後我竟然易咗上手。」
問到有否重燃對跳舞的興趣或有意再組女團？她直言：「咁又冇，只係當工作一部分，我依家都轉咗拍電影同電視。」提到今年是As One十周年，她透露早前跟前隊友陳葦璇到蒙古拍旅遊節目，笑言當作是限定團綜，問到As One可有機會4人合體？她說：「真係比較少機會，因為大家都有唔同方向。」現場見Chloe身形清減不少，她解釋之前到台灣拍MV，在泳池浸了4小時，回來後病倒。
另外，「跳高女神」楊文蔚則與Lyman在節目上合跳Core Flow，首次拍綜藝的她表示很喜歡跳舞，大學時也是舞蹈社，加上很欣賞Lyman，她大讚對方：「佢好高energy，我第一日見佢，佢就好似音樂劇形式咁登場，喺門口跳住入嚟。」問到學跳Core Flow是否很困難？她說：「我私下有再約Lyman出嚟練習，出嚟個效果係我可以接受，但大家唔好預計我會跳到好似COLLAR咁勁啦！」她稱經過今次拍攝，令她重燃學舞的興趣。講跳舞難免有身體接觸，未婚夫會否呷醋？她說：「唔會，我有畀佢睇，佢會知有啲咩近距離接觸。而且Lyman都有太太，佢好有紳士風度，佢怕我覺得唔舒服，佢會問如果將隻手放喺我條腰係咪無問題。」
東網網站 : https://on.cc/東網Facebook專頁 : https://www.facebook.com/onccnews/