黎展峯孖張馳豪開騷　收粉絲100包撈麵

出道4年的英皇歌手黎展峯（Andy）日前迎來人生第一次音樂會，跟「聲夢歌手」張馳豪（Aska）孖住上舉行《Andy X Aska PLAY》音樂會。Andy坦言首度開騷緊張到爆：「好緊張！因為屬於自己第一個Show，好多嘢都想準備到最好，再加上我係一個鍾意諗好多嘢嘅人，所以好容易令到自己好大壓力。」不過開騷後，他聽到歌迷反應，心情立即放鬆，又不停跟自己說：「要享受呢一場Show。」

音樂會由選歌、rundown到styling ，Andy都落力參與，加上每日練歌、練琴、做gym，天天都過得很「chur」，但又覺得值得。完騷後，Andy坦言沒有蝦碌事，反而有不少爆笑時刻：「最深刻就係收咗100包撈麵。開show前要谷肌，我特登食咗撈麵攝取碳水，點知show day當日，Fans為咗慶祝我Good Show，就送咗成100包撈麵畀我！」笑言感謝粉絲的心意，不過就笑謂「早知話自己鍾意食魚子醬啦！」

至於最感動、最喜歡的一part，Andy表示在唱《免費升級》時：「呢首歌陪伴住我或者好多人經歷低潮，能夠帶住呢隻歌去到一個更大嘅舞台表演，真係好感動。亦提醒住自己，要繼續更加努力，每一次都要畀大家見到一個升級咗嘅Andy！」

另外，同場的Aska為以完美身形示人，後台密密操肌，疑似太激動更操到流鼻血。甫開場二人合唱搖滾版《網絡安全隱患》及《Dum Dum》瞬即炒熱全場氣氛。緊接Aska一身拳擊手造型示，身穿背心短褲騷肌，台下粉絲尖叫連連。

演唱會用紅、黃、藍、綠分開四個部分，第二部分主打Chill及acoustic演出，Aska彈木結他與Andy彈鋼琴互相伴奏，大騷音樂才華，場面相當浪漫。第三部分是深情Emo部分，Aska與Andy合唱一段medley，Aska演澤溫柔細膩，Andy則澎湃激昂，Aska感激粉絲到場支持：「多謝大家嚟睇我哋嘅演出，即使落住大雨你哋都一樣出席，希望今日嘅演出可以帶俾你哋好心情，記住呢個美好記憶返去回味！」

東網網站 : https://on.cc/東網Facebook專頁 : https://www.facebook.com/onccnews/