Beanies人數5變3 2成員與經理人鬧分歧 主動終止合約

ANSONBEAN（陳毅燊）女友張天穎（Jaime）所屬的女團Beanies由5變3，成員潘釗彤（Chiutung）及黃健怡（Winky）因合約問題離隊，剩下張天穎（Jaime）、陳樂頤（Georgina）及李凱翹（Kay）。3女今天（4日）接受商台《叱咤樂壇》宣傳新歌《失戀（及其他災難）》時交代Beanies成員變動一事，陳樂頤說︰「呢首歌年頭開始籌備，我哋5個人曾經一齊錄過一次音。錄音後就發生咗啲狀况，兩位成員同經理人之間有啲合約上嘅意見分歧，一直處理中。以我哋3個所知，佢哋兩位主動同經理人終止合約，所以我哋就擱置咗一陣，但新歌歌詞圍繞災難題材，我哋3個同經理人、監製討論過，都覺得呢首歌唔擺得太耐，所以我哋3個照出。多謝監製同我哋再錄多一次音，變成3個人嘅版本。」

3女被問到Beanies是否已變成3人組合時，陳樂頤續說︰「呢個我哋真係唔知，其實都未知聽日發生乜嘢事。（合約上佢哋已經離隊？）係。我哋5個人以唔同形式繼續出現，大家各自有自己工作，希望各位粉絲、觀眾以唔同嘅形式繼續支持我哋，可以繼續Focus喺呢首歌多啲，希望大家都明白﹗」陳樂頤表示事情發生初期，她們5個人曾聯同經理人一同討論過。她說︰「去到後期，始終係佢哋兩位同經理人之間嘅問題，合約上嘅嘢好私人，所以我哋都冇去干涉太多，明白就得。」

陳樂頤表示潘釗彤（Chiutung）及黃健怡（Winky）終止合約一事，目前仍在法律處理階段，她們3人的心情亦受影響，但一定會繼續以Beanies身分走下去。她說︰「情緒上一定有影響，需要好多時間去消化，多謝黃偉文呢首歌嘅歌詞幫助我哋好多，好似提醒咗我哋無論事情發展成點樣，我哋都控制唔到。我哋繼續做好自己、保持初衷，繼續唱好歌、keep住合唱，希望畀多啲好歌大家聽。」

張天穎認為人的緣分不是聚就是散，很中性，沒有不好的意思。她說︰「唔好執著幾時聚幾時散，聚嘅時候得到啲乜，散嘅時候又學到啲乜。」李凱翹則表示︰「每件事嘅發生一定係有原因，同埋你一定承受到，過到就係一個更加好嘅自己，或者係一個更加好嘅事情。」

（即時娛樂）