黃碧蓮影火辣婚照 重磅龍鳳鈪海味擺滿廳 自爆馬年「特別計劃」

今年3月宣布約滿無綫的前落選港姐黃碧蓮（Linna），5月時宣布答應圈外男友求婚，幸福滿瀉。

現正忙於籌備婚禮的Linna，雖然在溫哥華成長，但仍遵循傳統禮節，昨日（27日）進行隆重「過大禮」儀式。客廳擺滿各式聘禮，包括鮑參翅肚等海味、美酒、禮餅，更引人注目的是6對重磅龍鳳鈪、黃金髮飾及足金項鏈等，金光閃閃盡顯氣派。她甜蜜表示：「雖然我係鬼妹仔，但係跟足傳統做過大禮儀式，而且收到好多親戚朋友嘅祝福，好開心！」

Linna早前與未婚夫抽空拍攝火辣婚照，大騷香肩兼展現完美身段。她佩戴價值過百萬港元的鑽石頸鏈及戒指，高貴大方。

這輯婚照別具意義，2人重返戀愛時期的回憶之地，包括第一次約會的高級餐廳，以新婚夫妻身分重溫甜蜜點滴。Linna感慨道：「重返舊地感覺真係好特別！好似重新經歷佢當初追我嗰段日子！最難忘係申請到當年約會嘅餐廳拍攝，當年我哋以陌生人身分相遇，𠵱家以未婚夫妻身分返去，好有意義！」

談到婚禮地點，Linna透露將於海外舉行，但因場地有限，只能邀請至親的親朋好友，未知會否在港補辦婚禮。曾擔任兒童節目的她，非常喜歡小朋友，更表示適逢明年是馬年，對她來說別具意義，更有意進行「特別」計劃：「下年係馬年，咁啱就係我同我未婚夫媽媽嘅生肖！佢成日話馬係佢嘅幸運星，仲話覺得馬年嘅人特別有鬥心。我哋會順其自然啦，不過我同佢都好鍾意小朋友。」

（即時娛樂）