陳慧琳尾場個唱淚浸紅館 老公畀97分 澄清「蝦餃仔」戀聞

陳慧琳（Kelly）合共10場的《Season 2萬人結界演唱會》，昨晚（27日）在紅館舉行尾場，Kelly全晚忍不住數度感觸落淚，除了有馮德倫終極現身，跟她和雷頌德合體唱《紀念日》外，草蜢擔任尾場嘉賓，亦是蔡一傑做完手術康復後首度復出舞台，掀起全晚高潮。

騷後Kelly表示開心完成10場演出，可以解禁吃最愛的辛辣麵，笑言今次開騷回憶湧現，經常很感觸，鼻涕比淚水更多，每場獻唱嘉賓的歌也很大壓力。她表示因受颱風影響，險損失和鄭伊健首次同台合唱《甘心替代你》，幸對方改到機票，歡迎有好劇本找他們第4度結片緣；同時亦因颱風關係，令馮德倫可以上台，她說：「佢原本要飛，因為打風先約Mark飲咖啡，但唔係因為我，係因為Mark呢位兄弟先上台。」

對於獲Mark讚保養得宜，她笑道：「化厚妝就OK啦！」談到傑仔復出為她擔任嘉賓十分感動，她說：「佢好犀利，好專業，病完之後即刻操到咁實，摸到佢實到好似塊木板。」她大讚草蜢表現專業，綵排已顯殿堂級水準，定必為草蜢擔任明年演唱會嘉賓作回禮。

Kelly表示老公前晚入場，對她的表現給予97分，並甜蜜表示：「7分假3分真，都OK！我就畀自己100分。」她表示兒子亦只看了一場，但8月展開巡唱到明年，今年未能帶兒子暑假旅行，她說：「今年對佢哋唔住，希望聖誕節可以帶佢哋到美加玩補償。」

Kelly又澄清兒子劉昇（蝦餃仔）被指帶女友睇騷照片，對方只是她同事女兒，問蝦餃仔可有帶女友來看騷？她即避談：「我呢個時候唔會咁傻講畀你哋聽，免得返去畀人『剷』，佢𠵱家已經好大個，唔再係『蝦餃仔』，唔可以亂咁講，係咪想我死？」

（即時娛樂）