女神配對計劃︱葉蒨文揀GM同房　細John嘆與關嘉敏無緣

無綫戀綜《女神配對計劃》昨晚（27日）續續播出，雖然「國民CP」曾展望（GM）與葉蒨文（Sophie）不但外形襯到絕，在「心意配對遊戲」連心意也極為相通，節目中5條問題，GM竟有4條選中了女神的選擇，但另外兩位求愛勇者亦狂追猛打，最後一條題目，3子同時Hit中Sophie心意，均認為假若自己一年後會死，最想做的事就是「跟最愛的人環遊世界」。參賽者林堡熙（Eddie）在關鍵時刻發出感人言論：「你應該知我鍾意旅行，其實我去咗好幾個地方都係自己去，喺嗰啲Ｍoment我發覺呢種幸福自己一個人享受係真係爭咁啲，如果得番一年，我想同我最愛嘅人去一個旅行，將我睇到呢個世界嘅靚去分享畀我鍾意嘅人、將我最後嘅開心留畀佢。」

Eddie說話真摯又動人，令Sophie邊聽邊雙眼愈發通紅、更扁着嘴強忍激動，她嘆氣說：「我唔知呀，好難揀呀。」冷靜後Sophie坦言不會揀答中問題最少的阿謙，但GM在與Eddie之間也出現幸福的煩惱，抱頭展露超煩惱樣，更索性仰天閉眼思考，之後Sophie幾經掙扎終說出GM名字，GM險勝獲得與Sophie同房良機。

事後Sophie接受訪問表示：「如果遵從自己內心，我係揀GM嘅，嗰啲火花係冇辦法可以忽略，但我又覺得GM朝早整體嘅表現，我仲未Feel到嗰種主動。」Sophie又詳細解釋Eddie比GM優勝之處：「Eddie同我互動都好多，佢係一個好溫柔同情感細膩嘅人，第一日『正式』見佢，我已經Feel到佢非常了解我，佢有好多嘢問我前，其實佢已經有咗答案，如果我答中咗佢心目中嘅嘢，佢係會微笑點頭」、「所以嗰刻我覺得Eddie係更加細心體貼嘅選擇，GM嗰日表現唔算話好突出，但無奈地我個心又係偏向GM…。」此外，GM雖然表演不及Eddie，但也贏獲得與女神同房良機，GM在解決「分床」問題時憑一句搞笑說話氹到Sophie笑逐顏開，成功搶分，看來後續GM與Eddie的競爭將會更激烈。

另外，關嘉敏雖然明冧參賽者細John（姜卓文），可惜二人在5條遊戲問題中擦身而過，細John及Carman對此也感到驚訝，細John：「我好絕望，真係咁冇可能咩我哋？本身我已經係矛盾緊，依家好似個天畀埋個答案我咁，『唔係你哋兩個㗎喇，放棄啦。』」Carman：「我最失望係，5條入面都見唔到細John。」雖然看似無緣，但網民認為Carman與細John感覺仍有彎轉，並大讚Carman真性情相當吸引。

東網網站 : https://on.cc/東網Facebook專頁 : https://www.facebook.com/onccnews/