聲秀｜6燈選手林潔心獲導師激讚 徐惠晴失準爆喊 文雅姿跌危險區

無綫歌唱大賽《聲秀》昨晚（27日）播出第2集，亦是《聲秀》舞台正式展開一集。昨晚最吸睛的是「六燈選手」林潔心（Bibi），六名導師當中，譚耀文及劉浩龍（師兄）更出動「皇牌紅燈」搶人，結果由搶先一步的師兄勝出！

Bibi演唱泳兒的《溝渠暢泳》，高低音穩陣、感情豐富的同時，還唱出了別具魅力的迷幻感。撳紅燈的譚耀文坦言海選時，已很欣賞Bibi：「因為你好有爆發力，知道你再落去仲有好多好多變化可以畀大家睇到，我鍾意你唱歌嘅tone。」同樣亮出紅燈的師兄則說：「頭先佢一出嚟，一唱第一句，大家都…（做出傾前動作），證明好入心，所以我要搶。」原唱泳兒亦大讚Bibi，爭輸人的她更向師兄開玩笑：「你搞唔掂可以過嚟搵我。」

昨晚另一焦點，落在擁有磁性聲音、兼唱功別具感染力的林錦興（小林）身上。演唱《到此為止》的他爆發力驚人，吳浩康甚至於小林只唱了兩句的時候，便亮出黃燈！

對於很多人直指同任地盤工作的小林是「細Deep」，吳浩康笑言：「直情係失散咗嘅仔。」他形容小林為一匹野馬：「我睇佢海選時，已畀佢唱歌嘅energy吸引咗，因為力量型嘅演唱，我相信都會係自己比較常用嘅方法。」眼見「兩父子」如此投契，同樣有按燈的胡鴻鈞宣布放棄爭人：「我覺得好似阻住你咁。」

另外，獻唱《為何他會離開你》的徐惠晴（Vanessa），雖然表現稍有失準，唱畢後自責爆喊，由於感染力及唱功不俗，仍獲得3盞黃燈好成績！泳兒讚她：「你只得17歲，但已經有好老嘅靈魂，好有經歷咁，呢個係你嘅music sense。」吳浩康讚徐惠晴演唱心態極好：「你令到我覺得我撳呢盞燈係冇錯，你會為你嘅演出而喊同失望，因為你着緊，你心態同質地都好好。」

被視為「顏值擔當」之一的胡港豐Andrew，則因誠懇態度獲導師譚耀文賞識：「鍾意就鍾意，我覺得佢好誠懇。」阿譚覺得Andrew可以有更多變化：「佢音域好闊，仲有好多power喺裏面。」本集跌入危險區的，分別是文雅姿Xylia及陳芷晴Isabelle，其中為追音樂夢自費去音樂學院學音樂的文雅姿，得悉要跌入危險區一刻相當自責，邊喊邊跑往後台，獲導師鍾舒漫衝入後台擁抱安慰，鍾舒漫鼓勵文雅姿不要放棄：「Good job！你真係好有potential，唔好放棄。」

（即時娛樂）