網上熱話｜老細要求每日必須化妝返工 港女直斥無理：化畀邊個睇？

打工仔每日要早起返工的確十分痛苦，特別是夜晚唔願瞓報復式捱夜後，鬧鐘響的時候總會懷疑人生。相信不少人都會將出門前的準備時間縮到最短，瞓得多1分鐘係1分鐘，惟日前就有港女發文苦呻，指公司老闆竟然要求她需要每日化妝返工，引起網民熱議。

老細要求每日必須化妝返工

早前，一位港女以「老細逼我日日返工都要化妝」為題發文苦呻，她先表明自己的工作「唔需要見客」及「日日9:00返到公司」，因此大多都是素顏、簡簡單單返工，惟有一日「老細問我做咩唔化妝返工」，更命令她「聽日一定要化返妝」。

港女直斥無理

發文者對此感到無言兼無理，直指「要化埋妝嘅話咪要七點起身」、「我份糧唔包化妝」，加上她的工作內容無須見客，「又唔使見客，又冇客上office」，令她不禁反問究竟老闆想她「化俾(畀)邊個睇？？？？」

網民教1句回應KO

同為打工仔的網民對此十分關注，紛紛留言分享己見，兼教發文者如何應對。有網民表示「有d老細都好中意管人外表」、「以前有份工比老細話做咩成日著黑白灰既衫，穿colorful啲，d頭髮有白色髮又少頭髮，好心令自己睇落多d頭髮等等」、「點解女性返工成本高啲要浪費時間金錢喺化妝」，亦有網民教路指可以直接反問老闆「份糧包唔包買化妝品？」、「份合約有冇寫要化妝？」

原文刊登於 AM730

睇完新聞，記得追蹤am730以下平台，接收最新、最啱你嘅消息！
Facebook：am730 (https://www.facebook.com/am730hk)
Instagram：am730hk (https://www.instagram.com/am730hk/)
YouTube：am730 (https://www.youtube.com/c/am730video)