倪晨曦敷面膜險盲　凌晨睇急症求醫

藝人倪晨曦（Elva）自2020年與圈外男友Vincent結婚後，4年內誕下3個兒子，一家5口生活幸福美滿之餘，Fit到漏嘅身材，更係羨煞旁人。而向來注重保養嘅佢，日前就透露有朋友去日本，買咗塊面膜畀佢做手信，未料竟然係噩耗嘅開始！

Elva透露自己從未試過敷面膜竟然會險盲，凌晨掛急診嘅佢直呼：「感覺眼睛會瞎了！」佢表示敷完面膜後，眼睛開始變乾及有痛感，當時未有在意嘅Elva，剩係嘗試洗臉及洗眼睛後入睡，未料到夜晚11點左右眼睛被痛醒，伴隨強烈刺痛感令佢完全開唔到眼：「凌晨掛急症，眼睛痛到死，真的是慶幸現在已經恢復。」最後，Elva亦公開面膜牌子為網友避雷。

東網網站 : https://on.cc/東網Facebook專頁 : https://www.facebook.com/onccnews/