龍婷8月西九開騷 3場音樂會剖析過去現在與未來

龍婷將於8月18至20日於西九文化區自由空間大盒舉行3場「龍婷《旅程》巡迴音樂會」香港站 ，以新舊歌曲拼湊成一個又一個故事，講述自己的過去、現在與未來。音樂會票價分為1080元（可觀賞綵排環節及即影即有合照）及880元，下周二（7月1日）起接受優先訂票。

龍婷日前在社交平台透露這次音樂會的特色︰「今年1月2日，我發咗個帖話我要喺2025年出去睇睇呢個世界。就係咁，我喺2025年上半年，將我嘅音樂帶到去海外，包括美國拉斯維加斯同洛杉磯、加拿大多倫多同溫哥華、澳洲悉尼。我下半年會繼續呢個歌唱旅程，一個需要大家支持我、同我一齊向前、克服種種困難嘅旅程。2025下半年旅程嘅第一站，迎嚟我第6次個人演唱會，『龍婷 《旅程》巡迴音樂會香港站』。」

她表示︰「我選擇用旅程做今次演唱會名稱同主題，因為我嘅歌唱旅程和人生一樣，有高有低，但係不管怎樣，我都會同音樂一直行落去。今次巡迴音樂會香港站係旅程其中一站，相信我喺旅程每一站都會同歌迷創造出好多故事，就好似喺過去7年，大家陪伴我，我至能一直行到今日，每一位龍粉都同我經歷緊一個又一個嘅故事。我好期待香港站呢個旅程，用歌曲同大家創造更多故事。」

（即時娛樂）