黃日華談不再拍戲原因 喪妻後曾「爆煲」 感激苗僑偉拯救

李珊珊主持YouTube直播節目《珊珊大爆發》，請來私交甚篤的黃日華擔任嘉賓，曾表示不再做直播訪問的黃日華，因為李珊珊復出才破例受訪。

李珊珊和黃日華在無綫並無合作過，反而離巢後才在有線一同拍劇。談到認識經過，李珊珊憶述1996年當選港姐冠軍後，有一天在電視城經過飯堂，遇到拍劇的黃日華，華哥突然向她打招呼，並向她說了一句話，珊珊說：「你嗰句說話我記到今日。」黃日華直言沒有印象，珊珊再說：「『千祈唔好信任何人！』。」

黃日華近年鮮有參演劇集或電影，對上一次拍戲已是客串電影《追龍》，他解釋不再拍戲原因是與太太梁潔華有關，他說：「太太係我頭號fans，每次佢睇完會畀意見，因為佢分析力好強，我先有進步。自從佢走咗，睇唔到我做戲，咁我仲做嚟做咩？」

梁潔華離世5年，黃日華表示當年處理好太太身後事，便開始爆煲兼胡思亂想：「點解個天咁樣對我？唔畀我一個好結局？佢曾講過好想退休後，我哋孭背囊環遊世界，咁樣好開心，好想做呢件事，但點解最後做唔到？我都算係好人，點解會有咁嘅結局？」黃日華維持這狀態約2個月，幸獲好兄弟苗僑偉（三哥）將他從谷底拉回來，黃日華說：「嗰陣三哥keep住搵我，成日叫我出去飲茶，佢將我喺個低谷拉返出嚟，真係好多謝佢。」

（即時娛樂）