蔡卓妍勇闖臥底世界　走勻多個場景過足戲癮

藝人蔡卓妍（阿Sa）與關智斌老友鬼鬼，昨日（6日）她在社交平台拿關智斌演唱會海報的「豪乳」來開玩笑，戲言：「一返到嚟香港，除咗第一時間睇到有人嘅豪乳海報，同埋香港嘅豪雨，第二時間就去睇咗一個關於『臥底』嘅香港電影展覽。」她分享多張電影展內場景，大讚展覽的認真程度媲美影城：「策劃人係由我拍《常在我心》已經認識嘅陳詠燊導演，然後成個展覽嘅場景都係由香港電影最厲害嘅電影美術班底布置嘅，裏面有好多好經典嘅電影場景同埋體驗裝置，又好玩又好睇，而且呢一個展覽部分門券嘅收益係用於支持『香港電影工作者總會』作營運用途，一個咁好睇又有意義嘅展覽，冇理由唔入場睇吓啦，歡迎大家入場打卡！」阿Sa在多個場景包括大牌檔、茶樓、爆破汽車和電話亭等打卡，笑言去完感覺自己好像拍了幾套戲一樣。

東網網站 : https://on.cc/東網Facebook專頁 : https://www.facebook.com/onccnews/